اردو اور سرائیکی کے معروف شاعر ڈاکٹر اظہر علی کو ہفتے کے روز ملتان میں سپردخاک کردیاگیا۔
وہ جمعہ کی شب بہاولپور میں انتقال کر گئے تھے ۔ ڈاکٹر اظہر علی کی عمر 58برس تھی اوروہ محکمہ صحت بہاولپور میں فرائض انجام دے رہے تھے
اظہر علی کاشمار رفعت عباس اوراشولال فقیر کے ہم عصروں میں ہوتا تھا۔ انہوں نے 1980کے عشرے میں اردو اکیڈمی سے اپنے ادبی سفر کاآغازکیا اورپھر اردو شاعری کوترک کرکے خود کوسرائیکی کے لیے وقف کردیا۔ انہوں نے سرائیکی غزلیں بھی کہیں اور گیت بھی لکھے۔ ان کی سرائیکی شاعری کامجموعہ” جھاتی “ کے نام سے منظرعام پرآیا۔
نامور شاعر اورسفرنامہ نگار ڈاکٹر علی اطہر نے اے پی پی سے بات چیت کرتے ہوئے کہاکہ اظہر علی کو منفرد تجربوں کاشوق تھا ۔اردوغزل میں وہ نئے شعری تلازمات کے ذریعے پہچانے جاتے تھے۔ان کی خدمات ہمیشہ یاد رکھی جائیں گی۔
فیس بک کمینٹ