موجودہ حالات میں اس سے بہتربجٹ پیش نہیں کیاجاسکتاتھا،عام آدمی کوریلیف ملے گا:ہارون انجم

ملتان:شہبازشریف حکومت نے وفاقی بجٹ میں نواز شریف کے اس ویژن کومدنظررکھا جس کے تحت انہوں نے 1990ءمیں معاشی اصلاحات کاآغازکیاتھا۔ان خیالات کااظہارزندگی کے مختلف شعبوں سے تعلق رکھنے والے افرادنے اے پی پی سے بات چیت کرتے ہوئے کیا۔مسلم لیگ ن کے سینیئر رہنما ہارون انجم نے کہاکہ موجودہ دورحکومت میں افراط زرمیں نمایاں کمی آئی جوخوش آئندہے اس کے علاوہ زرمبادلہ کے ذخائرمیں بھی اضافہ ہوا،ہماری معیشت جوڈیفالٹ کی جانب جارہی تھی اب بلندیوں کی سمت گامزن ہے ۔انہوں نے کہاکہ یہ ایک عوام دوست بجٹ ہے جس میں متوسط طبقے کے مسائل کو مدنظررکھاگیا،ٹیکس نظام میں اصلاحات اورنجکاری کاعمل تیز کرنے سے معیشت مزید مستحکم ہوگی ۔وزیرخزانہ نے بجٹ تقریر میں بجا طورپرکہاکہ حکومتوں کو کاروبار نہیں کرناچاہیے اوراس کے لئے کاروباری طبقے کوسازگارماحول فراہم کرناچاہیے ،تنخواہوں اورپینشن میں اضافے اوربے نظیر انکم سپورٹ پروگرام کادائرہ بڑھانے سے کمزورطبقوں کوفائدہ پہنچے گا۔انہوں نے کہاکہ موجودہ حالات میں اس سے بہتر بجٹ پیش نہیں کیاجاسکتاتھا۔