وزیر دفاع خواجہ آصف نے کہا ہےکہ دہشت گردی کے خلاف ساتھ بیٹھنے کے لیے پی ٹی آئی نے پخ لگادی ہے کہ پہلے ہمارے بانی کو پیرول پر رہاکرو۔
بات چیت کرتے ہوئے وزیر دفاع خواجہ آصف نےکہا کہ حکومت کل جماعتی کانفرنس کے لیے اُن کے پاس جانے کو تیار ہے لیکن یہ قومی معاملہ ہے، اس میں غیرمشروط شرکت ہونی چاہیے، لیکن پی ٹی آئی کہتی ہے کہ خان نہیں تو پاکستان نہیں
گھس بیٹھیئے ملک کو نقصان پہنچا رہے ہیں، سیاست کرتے رہینگے لیکن دہشتگردی کیخلاف اکٹھا ہونا ہوگا: وزیراعظم
خواجہ آصف نےکہا کہ ملک کے لیے اچھے عمل میں شمولیت کے لیے شرط لگائی جائے یہ پی ٹی آئی کا یقین ہے، ہماری قیادت جیل میں رہی، پارٹی تمام عمل میں شمولیت کرتی رہی، بے نظیر بھٹو دہشت گردی کا شکار ہوئیں لیکن ان کی پارٹی نے کبھی قومی مسائل پر کسی جگہ شرط نہیں لگائی۔
خواجہ آصف کا کہنا تھا کہ اگر پی ٹی آئی ساتھ بیٹھنے کو پہلے ہی مشروط کر رہی ہے تو اس سے نیت پتا چلتی ہے، پی ٹی آئی والے ایک شخص اور اپنے مفادات کی جنگ لڑ رہے ہیں، بانی پی ٹی آئی کا ایک بیان دکھادیں جو دہشت گردی کے خلاف دیا ہو، بانی پی ٹی آئی کے جیل سے لمبے لمبے بیان آتے ہیں کوئی ایک بیان دکھا دیں، خیبرپختونخوا دہشت گردی کا شکار ہے بانی پی ٹی آئی مذمت کریں۔
(بشکریہ:جیونیوز)
فیس بک کمینٹ