ملتان : نامور گلوکارہ اور سرائیکی وسیب کی شان میڈم ثریا ملتانیکر کو علالت کے باعث مختار اے شیخ ہسپتال ملتان کےانتہائی نگہداشت وارڈ میں منتقل کر دیا گیا ہے ۔ ان کی صاحب زادی اور معروف گلوکارہ و ماہرِ تعلیم راحت ملتانی کر نے سوشل میڈیا پیغام میں ان کے لیے دعاؤں کی درخواست کی ہے ۔
انہوں نے اپنے پیغام میں کہا ہے ’’ میری والدہ ثریا ملتانیکر اس وقت علیل ہیں (انہیں نمونیا ہوا ہے) اور وہ مختار اے شیخ ہسپتال (MASH)ملتان کے آئی سی یو (ICU) میں داخل ہیں۔ میری درخواست ہے کہ براہِ کرم انہیں اپنی دعاؤں میں یاد رکھیں۔‘‘
انہوں نے مزید کہا کہ اس مشکل وقت میں، ہم ان کی مکمل صحت یابی کے لیے آپ کی دعاؤں، تمناؤں اور خلوص کے تہہ دل سے طلب گار ہیں۔
اللہ تعالیٰ انہیں شفائے کاملہ اور عافیت عطا فرمائے۔ آمین۔
(عاجزانہ درخواست: براہِ کرم صرف واٹس ایپ پر میسج یا وائس نوٹ بھیجیں اور کال کرنے سے گریز کریں۔)
فیس بک کمینٹ