ملتان۔(اے پی پی):امجد اسلام امجد کے انتقال سے اردوشعروادب کے ایک عہد کاخاتمہ ہوگیا۔ان خیالات کااظہارنامور شاعروں ،ادیبوں اورقلمکاروں نے اے پی پی سے بات چیت کے دوران کیا۔نامورنقاد،ماہرتعلیم اورمقتدرہ قومی زبان کے سابق سربراہ ڈاکٹرانوراحمد نے کہاکہ امجداسلام امجد ملتان کے ساتھ خاص لگاؤرکھتےتھے،منو بھائی کے علاوہ لاہورکے کسی اور ادیب میں اہل ملتان کے ساتھ ایسی محبت نہیں دکھائی دی ۔
صدارتی ایوارڈیافتہ کالم نگار شاکر حسین شاکر نے کہاکہ امجد اسلام امجد نوجوانوں سے بے پناہ محبت کرتےتھے، وہ جب بھی ملتان آئےہمارے ساتھ ان کی طویل نشست رہی،ہم ایک محبت کرنے والے انسان سے محروم ہوگئے۔معروف شاعر قمررضاشہزادنے کہاکہ انہیں ان کی محبتیں ہمیشہ حاصل رہیں ۔
فیس بک کمینٹ