حسنین رضوی کا اختصاریہ ِ: ارشد شریف کی یاد میں‌

چک نمبر 64 / RB ۔ بنڈالہ، تحصیل جڑانوالہ ضلع فیصل آباد کے چوہدری محمد بُوٹا اعوان کی فیملی دو پوتے اور بیٹا۔۔ بیٹے کا نام شریف اعوان تھا۔جبکہ پوتے ،میجر اشرف ۔ یہ فیملی “چوہکاں گاؤں” ضلع جالندھر سے ہجرت کر کے آئی تھی ضلع جالندھر کے پاس اعوانوں کے 22 گاؤں آباد تھے جو ہجرت کر کے ( جمیانہ، 41 مررڑ، 42 مررڑ، سراہلی، پھلاہی، جمیانہ ، کَلّہ ضلع فیصل آباد، پنجکسی ضلع خانیوال، چک نمبر 533 بوریوالہ ( ضلع وہاڑی ) چک نمبر 16 گ ب بدومتہ ضلع ننکانہ صاحب اور دیگر اضلاع میں آباد ہوئے۔
ارشد شریف 22 فروری 1973ء کو پیدا ہوئے اور 23 اکتوبر 2022ء کو نیروبی ( کینیا ) میں شہید ہو گئے ،آپ نے گارڈن کالج راولپنڈی سے صحافت میں گریجویشن کرنے کے بعد ماسٹرز اینگلنڈ سے کیا . آپ نڈر صحافی ، مصنف اور ٹی وی نیوز اینکر پرسن تھے۔ ان کو تحقیقاتی صحافت میں مہارت حاصل تھی،۔ 23 مارچ 2019ء کو انہیں صحافت میں ان کی خدمات پر صدر پاکستان نے پرائیڈ آف پرفارمنس سے نوازا۔
ارشد شریف 2022ء تک میزبانی کے شعبے سے وابستہ تھے اور آخری دنوں میں اے آر وائی نیوز پر پروکرام پاور پلے کے لیے میزبانی کر رہے تھے اور بول نیوز سے ان کا کنٹریکٹ ہو چکا تھا اور وہ 27 اکتوبر سے ” بول نیوز ” سے آن ائیر ھونے والے تھے ۔
ارشد شریف نےآج ٹی وی میں بطور نیوز ڈائریکٹر خدمات انجام دیں۔ آج میں شامل ہونے سے پہلے وہ دنیا ٹی وی کی نیوز ٹیم کی بطور ڈائریکٹر نیوز اور پروگرام کیوں کے میزبانی کر رہے تھے۔ وہ کچھ عرصہ ڈان نیوز سے بھی منسلک رھے ۔
اگست 2022ء کے دوران میں ان کے ایک پروگرام کی وجہ سے ان کیARY کی ملازمت چلی گئی اور انھوں نے بول نیوز جائین کرلیا لیکن فی الحال وہ اپنا یو ٹیوب چینل چلا رہے تھے۔
ارشد شریف اپنا ایک واضح اور دلیرانہ موقف رکھتے تھے ، پاکستان میں اپنے خلاف حالات کو دیکھتے ہوئے وہ دبئی چلے گئے اور وہاں سے لندن اور پھر کینیا چلے گئے ، جہاں ایک مبینہ جادثے میں انہیں شہادت نصیب ہوئی ۔ ان کا جسد خاکی اسلام اباد پہنچا دیا گیا ہے جہاں جمعرات 27 اکتوبر 2022 ء بعد نماز ظہر نماز جنازہ ادا کی جاۓ گی .