اہم خبریں

بہاولنگر ۔۔ماتمی جلوس میں دھماکہ ،دوافراد جاں بحق،53زخمی۔پانچ کی حالت نازک

بہاولنگر میں یوم عاشور کے موقع پر ماتمی جلوس میں دھماکے سے دوافراد جاں بحق جبکہ53زخمی ہوگئے۔زخمیوں میں سے پانچ کی حالت تشویشناک بتائی جارہی ہے۔
ڈسٹرکٹ ہسپتال ذرائع کے مطابق جاں بحق ہونے والوں میں 20سالہ سلمان موقع پر جاں بحق ہو گیاتھاجبکہ 7سالہ بچی ماہم زہرا نے ہسپتال میں دم توڑا۔ ماتمی جلوس جامعة الزہرہ سے برآمد ہوا تھا اوراس میں عزاداروں کی بڑی تعداد موجودتھی۔جلوس مہاجرکالونی مسجد کے قریب پہنچا تو اس پرکریکرسے حملہ کیاگیا ۔دھماکے سے بھگڈر مچ گئی اورمتعدد افراد زخمی ہوگئے۔اس موقع پر دلخراش مناظر دیکھنے میں آئے۔ دھماکے کی ویڈیوز سوشل میڈیا پروائرل ہوگئیں جن میں زخمی عزادارپرگرے ہوئے ہیں۔
ریسکیو1122نے زخمیوں ڈسٹرکٹ ہیڈکوارٹرہسپتال منتقل کردیا جبکہ موقع سے ایک مشکوک شخص کوحراست میں لے لیا جسے جلوس کے شرکاءنے تشدد بنانا شروع کردیا تھا۔ ہسپتال ذرائع کے مطابق ہسپتال میں ہنگامی حالت نافذ کردی گئی ہے ۔دھماکے کے بعد پولیس اور رینجرز کی بڑی نفری موقع پر پہنچ گئی۔

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker