خانیوال (نمائندہ گرد وپیش )ضلعی انتظامیہ خانیوال نے پہلی ڈیجیٹل و ساتویں قومی مردم شماری بارے اقدامات شروع کردیئے ۔ مردم شماری میں شہری 15 تا 30 جنوری اپنا ڈیٹا خور پورٹل پر اپ لوڈ کرسکیں گے جس کے بعدیکم فروری سے مردم شماری کی گھر گھر مہم شروع کردی جائے گی 15 مارچ سے 15 اپریل تک مردم شماری کے پورے عمل کا سروے کیا جائیگا،30 اپریل کو نتائج الیکشن کمیشن کو جمع کرائے جائینگے ۔
ڈپٹی کمشنر عمر افتخار شیرازی کی زیر سرپرستی ضلع خانیوال میں بھی شمار کنندگان کی ٹریننگ جاری ہے چاروں تحصیلوں میں اسسٹنٹ کمشنرز نے تربیتی مراکز کے دورے پر ٹریننگ و دیگر انتظامات کا جائزہ لیا اور حاضریاں چیک کیں ۔ڈپٹی کمشنر نے اپنے پیغام میں کہا ہے کہ مردم شماری بارے بہترین انتظامات کیئے جائینگے شہری پورٹل اور شمار کنندگان کو درست معلومات درج کرائیں درست ڈیٹا اکٹھا ہونے سے ملک و قوم کی ترقی بارے جامع پلاننگ کرنے میں مدد ملے گی۔
فیس بک کمینٹ