ملتان میں منفرد مقابلے ۔ بچیوں سے جنسی ہراسانی کرنے والے نے خود نازک اعضاء پر گولیاں مار لیں : پولیس

ملتان : قصور میں بچی سے نازیبا حرکات کرنے والے ملزم کے بعد ملتان کا جنسی ملزم بھی پولیس مقابلے کے دوران زخمی حالت میں گرفتار کر لیا گیا ۔ پنجاب پولیس کے مطابق ملزم نے اپنی شلوار کے نیفے سے پستول نکالتے ہوئے گولی لگنے سے اپنی مردانگی ( نازک عضو ) سے محروم ہو گیا ۔
پولیس کے مطابق 15 جولائی کو علاقہ تھانہ BZ میں ایک نامعلوم شخص نے دن دیہاڑے ع نامی بچی کے ساتھ گلی میں نازیبا حرکت کرنے کی کوشش کی اور موقع سے فرار ہوگیا۔ جس پر تھانہ BZملتان میں مقدمہ نمبر 2669/25 بجرم 377B ت پ درج رجسٹر ہوا۔ مقدمہ ہذا کی تفتیش CCD ملتان کے سپرد ہوئی۔
تیس جو لائی کو CCD ملتان کو اطلاع موصول ہوئی کہ مقدمہ متذکرہ بالا کا ملزم ایک خفیہ مقام پر موجود ہے جس پر ٹیم CCD ملتان نے بسلسلہ گرفتاری ملزم متذکرہ بالا ریڈ کیا تو ملزم نے پولیس پارٹی پر جان سے مار دینے کی نیت سے فائرنگ کردی اور جلد بازی میں آکر اپنی شرم گاہ پر فائر کردیا اور موقع پر زخمی ہوگیا۔ زخمی ملزم کو برائے طبی امدادو علاج معالجہ نزد نشتر ہسپتال لایا گیا۔ ملزم مذکور کی شناخت بذریعہ CRO سسٹم کی گئی جس نے اس بات کی تصدیق کی کہ وہ وہی ملزم ہے جو ع نامی معصوم بچی کے ساتھ نازیںا حرکت کرنے کے کیس میں ملوث تھا۔ مزید کریمنل ریکارڈ چیک کرنے پر معلوم ہوا کہ ملزم مذکور نے سال 2023 میں اپنے سگے بھائی کا قتل کردیا تھا جس کا مقدمہ نمبر 1631/2023 بجرم 302 ت پ تھانہ BZ ملتان میں درج رجسٹر ہے۔