اہم خبریں

جنوبی پنجاب صوبہ ضرور بنے گا ، شروعات ہو گئی ہے : عمران خان

ملتان : وزیراعظم عمران خان نے کہا ہے کہ ایک جماعت نےکنپٹی پربندوق رکھ کے کہا فرانس کے سفیرکوواپس بھیجو۔ ملتان میں تقریب سے خطاب میں وزیراعظم نے کہا کہ ٹی ایل پی کا طریقہ ہے اسلام آباد پر ہلاّ بولو، مظاہرے اور توڑ پھوڑ کرو، مغرب میں گستاخی اس طریقے سے ختم نہیں ہوسکتی، مسلم حکمرانوں کے ساتھ جدوجہد کا ہمارا طریقہ کامیاب ہوگا۔
وزیراعظم عمران خان کا کہنا تھا کہ ملتان کے عوام کو بتانا چاہتا ہوں کہ عثمان بزدار کو کیوں وزیراعلیٰ پنجاب منتخب کیا، عثمان بزدار پر میڈیا پر تنقید ہوتی ہے، مجھ سے کم ہوتی ہے مگر ہوتی ہے، مہم چلتی ہے کہ عثمان بزدار وزیراعلیٰ کی اہلیت نہیں رکھتے۔ وزیراعظم نے کہا کہ ڈھائی سال پہلے بالی وڈ کا ایکٹر بوٹ پہن کر کھڑا ہوتا تھا، ڈھائی سال کا موازنہ کریں آپ نے کیا کیا اور عثمان نے کیا کیا، لندن کے مہنگے علاقوں میں ان لوگوں نے محلات لیے ہوئے ہیں، لندن کے وزیراعظم کے پاس مہنگے علاقوں میں رہنے کیلئے پیسہ نہیں۔
عمران خان نے کہا کہ مجھے وہ آدمی چاہیے تھا جس کا پاکستان کیلئے جینا مرنا ہو، اسے چھٹی کیلئے باہر جانا نہ پڑتا ہو۔ وزیراعظم نے کہا کہ یہ لوگ لوگوں کو کہتےہیں پیسہ لے کر آؤ، اپنا پیسہ باہر لےگئے ہیں، عثمان بزدار کو وزیراعلیٰ بنایا تو انہیں پہلے ٹیسٹ کیا۔ انہوں نے کہا کہ سال کے آخر تک پنجاب کے ہر گھر میں ہیلتھ کارڈ جائے گا، چھوٹے کسان کی مدد کریں گے تو ملک میں خوشحالی آئے گی، عثمان بزدار کا علاقہ ڈی جی خان سب سے پسماندہ ہے، ہمیں تمام علاقوں کی ترقی کرنی ہے، صرف ایلیٹ کے علاقوں کی نہیں کرنی، تخت لاہوروالوں نےرائے ونڈمیں عوام کےپیسے سے کام کرائے،اپناپیسہ باہررکھا۔ وزیراعظم نے کہا کہ پہلے میری پارٹی چھوٹی سی پارٹی تھی، میں نے شاہ محمود قریشی کو بھی پارٹی میں آنے کی دعوت دی تھی، شاہ صاحب نے تب سوچا کہ بھی تھوڑا سا ٹھہرجاؤ، میں تمہیں دیکھوں گا کیا کرتے ہو۔ وزیراعظم عمران خان نے کہا ہے کہ جنوبی پنجاب صوبے کے قیام کی شروعات ہوگئی ہے اور ان شاءاللہ الگ صوبہ بھی ضرور بنے گا۔آج ہم نے جنوبی پنجاب سیکرٹریٹ ملتان کا سنگ بنیاد رکھاہے ۔اگلے مرحلے میں ہم اس حوالے سے آئینی ترمیم بھی منظور کروائیں گے۔ انہوں نے کہاکہ میں جلد بہاولپور کا بھی دورہ کروں گا اوروہاں بھی سیکرٹریٹ کا سنگ بنیاد رکھوں گا۔۔
فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker