سابق ارکین قومی وصوبائی اسمبلی سمیت ملتان ،مظفرگڑھ ،خانیوال ،ڈیرہ غازیخان اورلیہ سے تعلق رکھنے والے پاکستان تحریک انصاف کے آٹھ رہنماﺅں اورسابق اراکین اسمبلی نے پارٹی چھوڑنے کااعلان کردیا۔ملتان پریس کلب میں پریس کانفرنس سے خطاب کرتے ہوئے سابق ایم پی اے ظہیرالدین علیزئی اوران کے ساتھیوں نے کہاکہ ہمارے نزدیک پاکستان کی سلامتی سب سے مقدم ہے۔ ہماری جوبھی شناخت ہے وہ پاکستان اورپاکستان کی مسلح افواج کی وجہ سے ہے ،9مئی کو پی ٹی آئی کے کارکنوں نے جس اندازمیں کورکمانڈرہاﺅس لاہور پرحملہ کیا اورجناح ہاﺅس جیسی تاریخی عمارت کونذرآتش کیا اس کے بعد ایسی پارٹی کے ساتھ چلناہمارے لئے ممکن نہیں رہا۔
پارٹی چھوڑنے والوں میں ظہیرالدین علیزئی کاتعلق ملتان ،عون ڈوگراورعبدالحئی دستی کاتعلق ،نیاز گشکوری ،علمدارقریشی کاتعلق مظفرگڑھ ،سجاد چینہ کاتعلق ڈیرہ غازیخان ،قیصرمگسی کالیہ اورملک مجتبیٰ میتلا کاتعلق خانیوال سے ہے ۔
فیس بک کمینٹ