ملتان(اے پی پی):ایمرسن یونیوسٹی شعبہ انگریزی کے طلباوطالبات نے کہا ہے کہ سوشل میڈیا اب سماجی رابطوں کی بجائے سماجی بگاڑ کا باعث بن رہا ہے ۔ ان خیالات کا اظہار تقریری مقابلے کے دوران کیا گیا ۔
مقابلے کی منتظم پروفیسر ماہ نور زہرا نے کہا کہ آج کے دور میں سوشل میڈیا کو عالمی روابط اور انگریزی زبان پر عبور حاصل کرنے کے لیے بھی استعمال کیا جا سکتا ہے ۔ انہوں نے کہا کہ انگریزی عالمی رابطے کی زبان کے طور پر اپنی اہمیت تسلیم کرا چکی ہے ۔ اردو ہماری قومی زبان ہے جس کی اہمیت سے انکار نہیں کیا جا سکتا لیکن انگریزی کے ساتھ پوری دنیا کی معیشت بھی جڑی ہوئی ہے ۔
شعبہ انگریزی کے سربراہ ڈاکٹر عدنان طاہر اور مقابلے کے منتظم پوفیسر ناصر عمران نے کہا کہ آج امتحانات میں طلبا کی ناکامی کی شرح اس لیے بڑھ رہی ہے کہ وہ انگلش پر توجہ نہیں دیتے ۔
مقابلے میں آٹھویں سمسٹر کے محمد وسیم نے پہلی ،پہلے سمسٹر کی سیدہ کشف نے دوسری اور آٹھویں سمسٹر کے محمس انصر نے تیسری پوزیشن حاصل کی ۔
فیس بک کمینٹ