اہم خبریں

واپڈا ، پی آئی اے ،ریڈیو پاکستان سمیت 116 سرکاری اداروں کے فنڈز روکنے کا فیصلہ : لاکھوں ملازمین کی نوکریوں کو خطرہ

اسلام آباد : حکومت کی جانب سے واپڈا ، پی آئی اے ، نیب ریڈیو پاکستان ، پی ٹی وی ، اے پی پی، پیمرا سمیت 116سرکاری اداروں کو خودمختارباڈی کا درجہ دیدیا گیاہے ، نیب کو وزارت قانون سے الگ کرکے خود مختار باڈ ی کا درجہ دیا گیا ہے
14 اپریل کو جاری کئے گئے نوٹیفکیشن کے مطابق 16 وزارتوں اور ڈویژن کے ماتحت اور منسلک اداروں کو خودمختار کردیا گیا ہے ، خودمختار درجہ ملنے کے بعد ان 116 اداروں کو اپنے لاکھوں ملازمین کے لئے فنڈز کا خود بندوبست کرنا ہوگا ۔
خودمختارادارے ملازمین کی بھرتی،برطرفی سمیت مراعات کا فیصلہ کرنے میں بھی مجاز ہونگے، خودمختاراداروں کے افسران پلاٹس اورفلیٹس کےلئے مختص کوٹہ سے بھی نکل گئے، بیشترخودمختار اداروں کے ملازمین اور افسران ریٹائرمنٹ کےبعدپنشن سے محروم ہوجائیں گے۔ذرائع کے مطابق آئندہ مالی سال سے وفاقی حکومت کی جانب سے ان اداروں کو فنڈز فراہم نہیں کئے جائیں گے ۔ دوسری جانب ذرائع کا کہنا ہے کہ نیب افسران حکومتی اقدام پر پریشان ہو گئے ، اقدام کے باعث نیب افسران میں شدید بے چینی پیدا ہوگئی، چئیرمین نیب کے سامنے معاملہ پیش کرکے حکومت سے رابطہ کیا جائے گا۔دریں اثنا دیگر سرکاری محکموں کے ملازمین نے بھی اسے معاشی قتل عام قرار دیا ہے ۔

فیس بک کمینٹ

متعلقہ تحریریں

Adblock Detected

Please consider supporting us by disabling your ad blocker