عمران عثمانیکھیللکھاری

” پر یشان نہ تھی !میں ول آ ساں “ریلی روسو ملتان کے عشق میں گرفتار ۔۔ عمران عثمانی

پاکستان سپر لیگ میں ملتان سلطانز کی نمائندگی کرنے والے جنوبی افریقا کے ریلی روسوو پی ایس ایل اور ملتان شہر کے معاشقے میں گرفتار ہوگئے، سحر کا عالم یہ ہے کہ پی ایس ایل منسوخی سے قبل پاکستان چھوڑنے والے پروٹیز کرکٹر نے پاکستان،اپنی ٹیم سلطانز اور شہر ملتان کے بارے میں اتنے دنوں کے بعد ایسی باتیں کی ہیں کہ جس سے سرائیکی کہاوت یاد آتی ہے کہ
پریشان نہ تھی میں ول آ ساں
ریلی روسوو ان کرکٹرز میں سے ایک ہیں جنہوں نے 3 سال قبل پاکستان کے دورے سے انکار کردیا تھا۔ 2017 میں کوئٹہ گلیڈی ایٹرز کی نمائندگی کرنے والے روسوو نے اپنے دیگر غیر ملکی کھلاڑیوں کے ساتھ پاکستان میں فیصلہ کن میچ نہیں کھیلا تھا۔ آج 3 سال بعد ریلی روسوو نے اپنے پچھتاوے کا بھی کھل کر اظہار کردیا۔
ریلی روسوو کہتے ہیں کہ نہ بھولنے والا تجربہ، ان گنت یادیں،یادگار میزبانی،زبردست کرکٹ اور خوبصورت پاکستان چھوڑنے کو دل نہیں کر رہا لیکن وقت سے قبل جانا مجبوری تھا۔
ریلی روسوو نے اپنی فیملی کے ہمراہ پاکستان آخری گروپ میچ سے قبل چھوڑ دیا تھا .
پاکستان سے جڑی یادیں کے بارے میں روسو و کہتے ہیں کہ اب اگر مجھے پاکستان کے دورے کا کہا جائے تو دوڑ کر آؤ ں گا ۔ 2017 کے انکار والی یادیں محو ہوگئیں۔
کیا حفاظت ہے، کیا ہی میزبانی ہے اور کیا ہی باتیں ہیں۔
“بیٹنگ سے انجوائے کیا.اپنی پرانی ٹیم کوئٹہ کیخلاف کھیلنے کا تجربہ الگ تھا. گویا اسے سزا دی اس کے ہی خلاف 43 گیندوں پر سنچری بنائی. ملتان کو جتوایا .پی ایس ایل تاریخ کی تیز ترین سنچری بنائی، کوئٹہ سے اب بھی پیار ہے. یہ ٹیم میرے دل کے قریب ہے “.
روسوو کا پیار کوئٹہ والا نرالا ہی تھا ،مار مار کر سرفراز الیون کو ادھ موا کردیا.
ریلی روسوو کی اگلی محبت نئی اور جذباتی ہے، کہتے ہیں کہ
ملتان میرے لئے خاص الخاص ہوگیا. میں نے اس شہر میں اپنے وقت کو سب سے زیادہ انجوائے کیا، لوگوں میں کرکٹ سے عشق دیکھا اگرچہ یہ لاہور، پنڈی اور کراچی میں بھی تھا لیکن ملتان میں کرکٹ نے پورے شہر کو ہٹ کردیا، کیا خوب مستقبل ہے اس ملک میں کرکٹ کا،میں پر امید ہوں بلکہ پاکستان کرکٹ کی بحالی کا حقیقی خیر خواہ اور دل سے چاہتا ہوں کہ پلان کے مطابق سب درست ہوجائے. مجھے اسکی بحالی میں کوئی شبہ نہیں. میں نے ملتان میں سڑکوں پر کھڑے لوگوں کا پیا ر دیکھا ،اظہار محبت کے حسین نظارے دیکھے. وہ سب میرے لئے خاص ،خاص بلکہ خاص الخاص تھاپاکستان میں ہوٹل سے باہر نکلنا آسان نہیں تھا لیکن نائٹ گالف کا تجربہ میری لائف میں پہلی مرتبہ آیا اور بہت مزا آیا.
پاکستان سپر لیگ ہرسال ہوگی اور میں ہر سال پاکستان کا سفر کرنا چاہوں گا.
ریلی روسو و نے 2017 کے بعد کوئٹہ ٹیم کے ہمراہ پاکستان کا سفر کیا اور گزشتہ برس وہ پی ایس ایل فائنل ور ٹیم کا حصہ تھے جس نے کراچی میں ٹرافی اٹھائ لیکن روسوو پی ایس ایل اور ملتان کے پیار میں اس سال گرفتار ہوئے ہیں.
ریلی روسوو پی ایس ایل 5 میں ملتان کیلئے 7 میچز میں 189 رنز بناسکے لیکن ان کی تیز ترین سنچری پی ایس ایل تاریخ میں ریکارڈ بن گئ.

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker