وقت پر اسٹروکس کھیلنا ہو تو سابق آسٹریلوی کپتان اسٹیون اسمتھ سے سیکھ لیں ،باؤلرز اور حریف ٹیموں کو اپنے جاندار اسٹروکس سے نشانہ بنانے والے جارح مزاج بلے باز نے گھر بیٹھے ایک ایسا شاٹ کھیلا ہے جسکی ہمسایہ ملک بھارت میں گونج بہت زور سے سنی گئ ہے. اتوار 29مارچ کو جب وہ اپنے ملک کی قیادت کے ایک با ر پھر اہل ہوئے تو انہوں نے آنے والی آئی پی ایل میں ٹیم کی قیادت کو شاٹ کیا بلکہ لات ماردی. یہی نہیں بلکہ انہوں نے اس سال لیگ کھیلنے سے بھی انکار کر دیا. راجستھان رائلز کیلئے کپتان مقرر ہونے والے سمتھ بال ٹیمپرنگ کی وجہ سے ایک سالہ معطلی کی سزا سال قبل پوری کرچکے تھے جبکہ قیادت کی معطلی کی 2سالہ سزا 29 مارچ 2020 کو ختم ہوئی. ملکی قیادت کی اہلیت ملتے ہی انہوں نے بھارتی لیگ کی نہ صرف کپتانی کو خدا حافظ کہا بلکہ اڑھائی ملین ڈالرز کے بڑے معاوضے سے لاپرواہی ظاہر کرتے ہوئے کھیلنے سے ہی انکار کردیا. سمتھ کے نزدیک کورونا کے گلوبل حالات کی وجہ سے کھیلنا مناسب نہیں ہے اور ساتھ ہی انکو لیگ منسوخ ہونے کا یقین ہے.
29 مارچ سے ہی شروع ہونے والی لیگ 15 اپریل تک موخر ہے. بھارتی بورڈ پہلے ہی اعلان کرچکا ہے کہ اگر لیگ منسوخ ہو ئی تو کرکٹر ز کو معاوضے نہیں ملیں گے.
*کرکٹرز کو بغیر کھیلے پیسے ملیں گے*
بنگلہ دیش کرکٹ بورڈ نے ملکی ڈومیسٹک پلیئرز کا ہاتھ پکڑ لیا ہے. لیگز کی منسوخی سے نان کنٹریکٹ یا فتہ پلیئرز کے بے روزگار ہونے کے شور کے بعد بورڈ نے اتوار کو اعلان کیا کہ کرکٹرز پریشان مت ہوں .بورڈ نے مالی مدد کے تحت فی پلیئر کیلئے 30 ہزار ٹکہ مختص کیا ہے. کرکٹرز میں اس خوشخبری سے اطمینان کی لہر دوڑ گئی ہے.
*بنا کھیلے ہی 86000تماشائیوں کا نشہ *
انگلش کپتان ہیتھر نائٹ پر یقین ہیں کہ ورلڈ ٹی 20 کے فائنل سےخواتین کرکٹ کو بھر پور موقع ملے گا.انہوں نے 3 ہفتے قبل کھیلے گئے میلبورن کے اس فائنل کو بطور مثال پیش کیا جسے دیکھنے کیلئے 86000تماشا ئی میدان میں آئے .لگتا ہے اسکا نشہ دور بیٹھے ہی انہیں ہوگیا کیونکہ انگلش ٹیم ایونٹ کے فائنل سے باہر ہوگئ تھی. ہیتھر نائٹ کیلئے اس سے اہم بات کورونا بھی ہے جسکے لئے وہ ان دنوں ایچ این ایس سے منسلک ہوکر انسانیت کی خدمت کر رہی ہیں.
*ورلڈ ٹی کپ ہیروکو 13 برس بعد آئی سی سی کا خراج تحسین*
ورلڈ ٹی 20 کپ کا پہلا ایڈیشن کسے بھولا ہوگا. زیادہ پرانی بات نہیں ہے. 2007کے اولین ورلڈ ٹی 20 کا فائنل تھا. میدان جوہانسبرگ کا اور مقابلہ پاکستان اور بھارت کا جبکہ میچ بھی فائنل تھا. مصباح الحق نے آخری اوورمیں میچ بنادیا تھا .فتح کیلئے 13 رنز درکار تھے. بھارتی باؤلر جوگیندر شرما نے پہلی بال وائیڈ پھینکی اور دوسری بال پر چھکا کھالیا. اب پاکستان کو فتح کیلئے 4 بالز پر 6 رنز درکار تھے .مصباح بیٹنگ کر رہے تھے. پاکستان کے 9 کھلاڑی آؤٹ تھے .مصباح کو نہایت سمجھداری سے 4 بالز میں سے کسی ایک غیر معیاری بال کو اٹھا کر باہر پھینکنا تھا لیکن انہوں نے اگلی ہی بال پر پر وکٹ کے پیچھے غلط شاٹ کھیل دی.نتیجہ میں مارکھانے والے باؤلر جوگیندر ہیرو بن گئے.بھارت چیمپئن بنا اور وہ بھی پاکستان کو ہرا کر تو آپ انداز ا کرسکتے ہیں کہ جوگیندر اپنے ملک میں کتنا بڑا ہیرو بن گیا .13 سال بعد وہ پھر ہیرو بنے ہیں. 36 سالہ جوگیندر نے کورونا کیخلاف اپنی عوام کی خدمت کیلئے بھارت میں پولیس فورس جوائن کرلی ہے. آئی سی سی نے اس جذبہ پر انہیں خراج تحسین پیش کیا ہے.
*آئی پی ایل منسوخ،اعلان باقی*
بھارتی آئی پی ایل منسوخ کی جاچکی ہے. اس بات کا دعوی بھارتی میڈیا نے کیا ہے. اس سال اسکے انعقاد کا کوئی سوال ہی نہیں ہے. حکومت کی جانب سے اگلی ٹریول ایڈ وائزری جاری ہوتے ہی بورڈ فوری منسوخی کا اعلان کرےگا جبکہ فرنچائزز نے اس سال جو ٹیمیں فائنل کی ہیں وہ اتنے ہی معاوضے میں اگلے سال کیلئے برقرار رکھی جائیں گی.
*کرکٹر ز پر پاؤنڈ زکی بارش*
انگلینڈ کرکٹ بورڈ نے کورونا کی وجہ سے متاثر ہونے والے کرکٹ سیزن کے باوجود کرکٹرز پر پاؤنڈز کی بارش جاری رکھنے کا اعلان کردیا. بورڈ نے واضح کیا کہ کرکٹ سیزن متاثر ہونے یا منسوخ ہونے کے باوجود کنٹریکٹ پلیئرز کے معاوضے کم نہیں کئے جائیں گے.بورڈ اس ہفتے کاؤنٹیز کیلئے بیل آؤٹ پیکج بھی جاری کرےگا کاؤنٹیز کے پلیئر زکا معاوضہ کم ہو جائے.
فیس بک کمینٹ