ملتان: (اے پی پی):دل دل پاکستان جیسے شہرہ آفاق ملی نغمے کے ذریعے اپنی پہچان کرانے والے نامور گلوکار ،نعت خواں اورمبلغ جنیدجمشید کوہم سے بچھڑے 6برس بیت گئے ۔جنید جمشید اوران کی اہلیہ 7دسمبر2016ءکو طیارہ حادثے میں جاں بحق ہوگئے تھے ۔ان کاطیارہ چترال سےاسلام آباد پروازکےدوران حویلیاں کے قریب گرکرتباہ ہوگیاتھا۔
جنید جمشید 3ستمبر1964ءکو کراچی میں پیداہوئے ۔انہوں نے یوینورسٹی آف انجینئرنگ اینڈ ٹیکنالوجی لاہورسے تعلیم حاصل کی ۔1987ءمیں دل دل پاکستان نے انہیں شہرت کی بلندیوں پرپہنچادیا۔2004ءمیں جنید جمشید نے موسیقی کو خیرباد کہہ کر نعت خوانی اورتبلیغ کاراستہ اپنا لیا۔
فیس بک کمینٹ