2018 انتخاباتاختصارئےکاشف رفیقلکھاری

مانیں ، خدا را پاکستان کے لیے مانیں : چَنگی گَل / کاشف رفیق

مان لیں انتخابات میں دھاندلی ہوئی۔۔۔مان لیں مینڈیٹ چوری کروا کرتحریک انصاف کو دیا گیا۔۔۔۔مان لیں الیکشن کمیشن کی کارکردگی خراب تھی۔۔مان لیں بیلٹ کاتقدس پامال کیا گیا۔۔مان لیں عدلیہ اوربیرونی طاقتوں نے تحریک انصاف کو سپورٹ کیا۔۔۔مان لیں مخصوص لوگوں کو جتوانے کے لیے اقدام کیے گئے۔۔۔۔مان لیں نواز زرداری کو سیاسی اختلافات کا نشانہ بنایا جا رہا ہے۔۔۔مان لیں پنجاب میں ن لیگ کے مینڈیٹ کا احترام نہیں کیا جا رہا۔۔۔مان لیں جہانگیر ترین وزارتوں اور پیسوں کی لالچ دیکر آزاد ارکان کو پارٹی میں شامل کروا رہے ہیں۔۔ یہ بھی مان لیں کہ ایک عمران لاڈلا اور چہیتا ہے جبکہ مولانافضل الرحمن،سراج الحق،شریف خاندان،اسفندیار ولی، زرداری، اچکزئی، بزنجو، خادم رضوی،گیلانی خاندان سب کےسب سوتیلے ہیں اور انتخابی جائیداد میں حصہ نہیں ملا۔۔
اگر اوپر کی تمام باتیں ماننی ہیں توپھر یہ بھی مانیں کہ 2013 کے انتخابات میں نواز شریف لاڈلے تھے۔۔کیونکہ پیپلزپارٹی،تحریک انصاف سمیت متعدد چھوٹی بڑی پارٹیوں نے اسی طرح احتجاجی صدا بلند کی تھی۔۔۔زرداری نے تو آر اوز کا الیکشن قرار دیا تھا۔۔۔اور یہ بھی مانیں کہ 2013 کے انتخابات میں نواز شریف چہیتے اس لیے بنے
تھے کہ موصوف پیپلزپارٹی کے خلاف میمو گیٹ میں سپریم کورٹ گئے تھے۔۔اور یہ بھی ایک تاریخی حقیقت ہےکہ عمران خان نے میمو گیٹ میں پٹیشنر بننے سے انکار کیا تھا۔۔۔۔اور ہاں یہ مانیں کہ عدلیہ نے 5 سال حکم امتناعی دیکر شہباز کی حکومت چلوائی تھی۔۔۔مانیں کہ ق لیگ میں فاروڈ بلاک بنا کر ن لیگ نے حکومت چلائی تھی۔۔۔
یاد کریں جنوبی پنجاب کے ق لیگ میں شامل رہنے والے مفاد پرست سیاسی پنچھی آزاد مٹکے کے نشان پر جیتے اور وزارتوں کی لالچ میں ن سے آن ملے۔۔۔اُس وقت ادارے اور عدلیہ آئین کی پاسبان اور حُرمت کا نشان تھے؟؟
اگر متحدہ اپوزیشن آج سراپا احتجاج ہے تو 2013 کے انتخابات کے بعد بھی احتجاج تھا۔۔۔فرق جماعتوں کا ہے مگر رویہ تو ایک سا ہی ہے۔۔۔ اگر 2013 اور 2018 کےا نتخابات کے بعد سیاسی شعبدہ بازوں کے کرتوتوں کا بغور جائزہ لیں تو ایسا لگتا ہے سب انا،جھوٹ،منافقت،ضد،تکبر،مفاد اور منطق کے غلام ہیں ان کوکچھ غرض نہیں کہ اِن کے القابات، الفاظ،رویے،عمل،تہمت بہتان اور کردار کُشی سے ملکی وقار کس قدر مجروح ہورہا ہے۔۔ اگر اپوزیشن نے نظریے کوپروان چڑھانے کا سوچ لیا ہے تو پھر ماضی کے اقدامات،فوائداور حقائق کو عوام کے سامنے مانیں۔۔خدار پاکستان کے لیے سچ کو مانیں۔۔۔۔پاکستان کو مانیں!!

فیس بک کمینٹ

متعلقہ تحریریں

Leave a Reply

Your email address will not be published.

Adblock Detected

Please consider supporting us by disabling your ad blocker