سینئر براڈکاسٹر خالد اقبال ریڈیوپاکستان ملتان کےسٹیشن ڈائریکٹر مقرر

ملتان۔ (اے پی پی):نامور براڈ کاسٹر ،شاعر،محقق اور ریڈیوپاکستان بہاولپور کے سٹیشن ڈائریکٹر خالد اقبال کا ملتان تبادلہ کردیاگیا ہے جبکہ سینئر براڈ کاسٹر منظور کامران کو ڈائریکٹرپروگرامز پاکستان مقررکردیاگیا ہے۔خالد اقبال25اپریل کو سٹیشن ڈائریکٹر ریڈیوپاکستان ملتان کی حیثیت سے چارج سنبھالیں گے۔
خالد اقبال نے جون1989میں ریڈیوپاکستان ملتان میں پروڈیوسر کی حیثیت سے اپنے کیریئر کا آغاز کیا۔بحیثیت پروڈیوسر ان کا پہلا پروگرام ”پھلواڑی“تھاجو سرائیکی میں بچوں کے پروگرام کے طورپر مشہورہوا۔خالد اقبال طویل عرصہ تک ”رو،روہی ،تھل، دامان“کی میزبانی کرتے رہے۔1995ءمیں ان کاتبادلہ تربت ہوگیا ۔دوسال بعد دوبارہ ملتان آئے ۔2006ءمیں پروگرام منیجر کی حیثیت سے ریڈیوپاکستان سرگودھا ٹرانسفر ہوا ۔اپریل 2010ءمیں قائم مقام اسٹیشن ڈائریکٹر ریڈیوسرگودھا کے فرائض سنبھالے۔ وہ اسی شہر میں اسٹیشن ڈائریکٹر کی حیثیت سے بھی کام کرتے رہے۔
2013ءمیں ان کاایف ایم 101 کے سربراہ کی حیثیت سے ملتان تبادلہ ہوگیا۔ جون 2018ء میں اسٹیشن ڈائریکٹر ریڈیوپاکستان ڈیرہ اسماعیل خان کاچارج سنبھالا۔جون2019ءمیں زکریایونیورسٹی ملتان کے ساتھ وابستہ ہوئے اور سرائیکی ایریا سٹڈی سنٹر میں پروفیسر کی حیثیت سے فرائض انجام دیئے۔ بعد ازاں ان کی تبادلہ اسٹیشن ڈائریکٹر کی حیثیت سے بہاولپور کردیاگیا۔