انتظار نہیں ہو رہا کب جہاز لینڈ کرے اور والد سے ملوں: مریم نواز لندن کیلئے روانہ ہو گئیں

لاہور:مسلم لیگ ن کی نائب صدر مریم نواز کا کہنا ہے کہ مجھ سے انتظار نہیں ہو رہا کہ کب جہاز لینڈ کرے اور کب میں اپنے والد سے ملوں۔
مسلم لیگ ن کی مرکزی رہنما لندن روانگی کے لیے لاہور ائیر پورٹ سے نجی پرواز کے ذریعے کچھ دیر میں لندن کے لیے روانہ ہو جائیں گی۔
لاہور ائیرپورٹ پہنچنے پر اپنے بیان میں مریم نواز کا کہنا تھا مجھ سے انتظار نہیں ہو رہا کہ کب جہاز لینڈ کرے اور کب میں اپنے والد سے ملوں۔
دوسری جانب شریف خاندان کے ذرائع کا کہنا ہے کہ مریم نواز ایک ماہ تک لندن میں قیام کر سکتی ہیں اور اس بات کا بھی امکان ہے کہ وہ اپنے والد نواز شریف کے ساتھ ہی وطن واپس آئیں۔
مریم نواز نے لندن روانگی کے لیے لاہور ائیرپورٹ پہنچنے سے قبل دادا، دادی اور والدہ کی قبروں پر فاتحہ خوانی بھی کی۔
خاندانی ذرائع کا کہنا ہے کہ مریم نواز تقریباً ایک ماہ لندن میں قیام کریں گی جس کے بعد ان کا اپنے والد نواز شریف کے ہمراہ وطن واپس آنے کا امکان ہے۔
واضح رہے کہ لاہور ہائیکورٹ کے حکم کے بعد گزشتہ روز مریم نواز کو ان کا پاسپورٹ واپس مل گیا تھا۔
(بشکریہ: جیو نیوز)