ملتان (محمدندیم قیصر سے )پاکستان سپر لیگ سیزن 9 میں ملتان سلطانز کی فتح جاری ہے۔سلطانز نے اپنے ہوم گراونڈ ملتان سٹیڈیم میں اسلام آباد یونائیٹڈ کو 5وکٹوں سے شکست کی کھائی میں دھکیل دیا اور لیگ میں مسلسل دوسری کامیابی اپنے نام کی ۔ مسلسل دوسرے میچ میں دوسری نصف سنچری بنانے والے سلطانز کے بلے باز ہینڈرکس مین آف دی میچ قرار دیئے گئے۔قبل ازیں ملتان سلطانز نے ٹاس جیتا پہلے فیلڈنگ کا فیصلہ کیا۔کمزور فیلڈنگ کے باعث سلطانز کے باؤلرز کو جلدی جلدی وکٹیں نہ مل سکیں تو دوسری طرف یونائیٹڈ کوئی خاص فائدہ بھی نہ اٹھا سکی اور پہلے بیٹنگ میں 144 رنز بنا سکی۔دونوں بار کیچز سلطانز کے خوشدل شاہ نے ڈراپ کیے۔
پی ایس ایل کے پانچویں میچ میں اسلام آباد یونائیٹڈ کی جانب سے ملتان سلطانز کو جیت کے لئے 145 رنز کا ہدف دیا گیا ۔ملتان سلطانز کی پہلی وکٹ 9 کے مجموعی سکور پر الیکس ہیلز کی گری ۔ وہ 2 کے انفرادی سکور پر خوش دل شاہ کے ہاتھوں کیچ آوٹ ہوگئے۔ اسلام آباد یونائیٹڈ کو دوسرا نقصان 14 کے مجموعی سکور پر اٹھانا پڑا جب کولنز منرو 8 رنز بنا کر محمد علی کی بال پر بولڈ ہوگئے۔اس موقع پر آغا سلمان اور جورڈن کوکس نے ٹیم کو سنبھالا اور 68 کی پارٹنر شپ قائم کرتے ہوئے سکور کو 82 رنز تک پہنچایا۔ جورڈن کوکس اسامہ میر کی گیند پر 42 رنز بناکر ایل بی ڈبلیو آؤٹ ہوگئے۔
چوتھی وکٹ کی شراکت داری میں اعظم خان آغاسلمان کا ساتھ دینے کریز پر آئے اور چوکے سے اپنی اننگ کا آغاز کیا،لیکن وہ دو باؤنڈریز لگانے کے بعد اسامہ میر کی بال پر اپنا کیچ ویلی کو دے گئے، انہوں نے 13 رنز بنائے۔5 وکٹیں گرنے کے بعد اسلام آباد یونائیٹڈ کی ٹیم اپنا مجموعہ 100 تک پہنچانے میں کامیاب ہوئی، عماد وسیم عباس آفریدی کی گیند پر کوئی کھاتہ کھولے بغیر پویلین لوٹ گئے۔اس موقع پر کپتان شاداب آغا سلمان کا ساتھ دینے آئے، سلمان آغا نے 40 گیندوں کا سامنا کرتے ہوئے اپنی ففٹی مکمل کی۔ شاداب خان بھی عباس آفریدی کی گیند پر 11 رنز بنا کر وکٹ گنوا بیٹھے سلمان آغا 52 رنز بنا کر خوشدل کے ہاتھوں کیچ آؤٹ ہوگئے، فہیم اشرف ایک رنز بنا پائے، عبید شاہ بھی اپنا کھاتہ کھولے بغیر آؤٹ ہو گئے۔ملتان سلطانز کی جانب سےعباس آفریدی، محمد علی نے 3،3 اسامہ میر 2، ڈیوڈ ویلی ایک کٹ حاصل کرنے میں کامیاب رہے۔
جوابی اننگز میں ملتان سلطانز کے کپتان محمد رضوان کا کیچ صفر پر پہلی بال پرڈراپ ہوگیا۔نسیم شاہ بائولر اور عماد وسیم فیلڈر تھے۔اسی اوور میں نسیم شاہ نےڈیوڈ میلان کو صفر پر بولڈ کیا۔ملتان نے پہلےاوور میں ایک وکٹ پر دس رنزبنائے۔کپتان محمد رضوان نے دوسری وکٹ کیلئے ون ڈاؤن بیٹر ہینڈرکس کے ہمراہ 71 رنز جوڑے تھے کی یہ جوڑی ٹوٹ گئی۔محمد رضوان اپنے مدمقابل کپتان شاداب خان کی بال پر ایل بی ڈبلیو آؤٹ ہوگئے۔اس وقت 11.1اوور میں مجموعی سکور 77 رنز تھا۔ٹو ڈاؤن بیٹر یاسر بغیر کسی باؤنڈری کے 8 رنز بنا پائے تھے کہ عماد وسیم کی گیند پر ایلکس نے باؤنڈری لائن پر دلکش کیچ تھام لیا۔اس وقت 13.2 اوورز میں مجموعی سکور 93 رنز تھا۔اس موقع پر ہینڈرکس نے شاداب خان کے ایک اوور میں دو چوکوں ایک چھکا کی مدد سے 18رنز بنا کر اپنی نصف سنچری بھی مکمل کر لی مجموعی سکور 125 رنز پر سلطانز کی چوتھی وکٹ گری۔ہینڈرکس نے46 گیندوں پر 6 چوکوں اور ایک چھکا کی مدد سے 58رنز بنائے صرف 9رنز کے اضافہ کے بعد خوشدل شاہ 4 رنز بنا کر نسیم شاہ کی بال پر شاداب خان کے ہاتھوں کیچ آؤٹ ہوئے۔ملتان کی پانچویں وکٹ 19ویں اوور کی دوسری گیند پر گری۔اخری اوور میں افتخار احمد (ایک چھکا کی مدد سے رنز ) اور ڈیوڈ ویلی(ایک چوکا سے 7) نے ٹیم کو مزید کسی نقصان سے بچاتے ہوئے 20 اوور کی 5ویں گیند پر ہدف حاصل کرکے میچ میں 5وکٹوں سے کامیابی اپنے نام کی ۔اسلام آباد یونائیٹڈ کے کامیاب باؤلرز میں سے نسیم شاہ نے 2۔شاداب خان ۔ ملز اور عماد وسیم نے ایک ایک آؤٹ کیا۔
فیس بک کمینٹ