ملتان : معروف سماجی رہنما اور خواتین کے حقوق کی علم بردار منزہ ہاشمی سوموار کے روز طویل علالت کے بعد انتقال کر گئیں ۔
ان کی عمر 45 برس تھی اور وہ گزشتہ کئی برسوں سے کینسر کا شکار تھیں ۔منزہ ہاشمی وکالت کے پیشے سے منسلک تھیں انہوں نے وکلاء کے اکرم بھٹی گروپ سے اپنے کیریئر کا آغاز کیا اور مزدوروں کے حقوق کے لیے سرگرم رہیں ۔ مزدوروں ہی نہیں منزہ ہاشمی نے دکھی خواتین کی داد رسی کے لیے بھی ہمیشہ نمایاں کردار ادا کیا ۔اور عہد آرگنائزیشن کے پلیٹ فارم سے پسماندہ علاقوں میں کئی ترقیاتی کام بھی کرائے ۔
منزہ ہاشمی کی نماز جنازہ ابدالی مسجد میں ادا کی گئی جس میں زندگی کے مختلف شعبوں سے تعلق رکھنے والے افراد کی بڑی تعداد نے شرکت کی ۔
فیس بک کمینٹ