مظفر گڑھ اور علی پور میں بھی آٹا نایاب : انتظامیہ تماشائی

مظفرگڑھ 🙁 نمائندہ گردو پیش ) جنوبی پنجاب کے دیگر شہروں کی طرح مظفر گڑھ میں بھی آ ٹا عوام کی پہنچ سے دور ہو گیا جس پر عوام شدید مشکلات کا شکار ہیں ۔ اس صورت حال پر انتظامیہ تماشائی بنی بیٹھی ہے۔
تفصیل کے مطابق تحصیل جتوئی کے نواحی علاقہ ڈمر والا مین چوک پر عوام کے لیے آٹا لینا وبال جان بن گیا دوکاندار کو بیس تھیلے ملتے ہیں جن میں وہ دس تھیلے چلاتا ہے اور دس بلیک میں فروخت کرتا ہے عام لوگ اگر سوال کریں تو دھمکیاں اور نا زیبا زبان استعمال کی جاتی ہے ۔ آٹا لینے کے لیے صبح سویرے سردی میں مرد اور عورتیں آ تے ہیں لیکن مایوس ہوکر چلے جاتے ہیں۔ فوڈ انسپکٹررانا افتخار علی پور اور ڈی ایف سی مظفرگڑھ عدیل احمد سے فی الفور نوٹس لینے کا مطالبہ کیا جا رہا ہے