اہم خبریںعمران عثمانیکھیل

پی ایس ایل،ملتان سلطانز پلے آف میں پہنچنے والی پہلی ٹیم : رپورٹ ۔۔عمران عثمانی

اسلام آباد : پی ایس ایل فائیو کے 22ویں میچ میں ملتان سلطانز اسلام آباد یونائیٹڈ کو 9 وکٹوں سے شکست دے کر پلے آف میں پہنچنے والی پہلی ٹیم بن گئی۔ ملتان سلطانز نے 92 رنز کا ہدف 14 گیندیں قبل محض ایک وکٹ کے نقصان پر حاصل کرلیا۔
بارش اور آؤٹ فیلڈ گیلی ہونے کے باعث ملتان سلطانز اور اسلام آباد یونائیٹڈ کے درمیان میچ کا آغاز مقررہ وقت سے تقریباََ 2:15 گھنٹے تاخیر سے ہوا۔ دونوں ٹیموں کے درمیان میچ بارش کے باعث 9 اوورز تک محدود کردیا گیا تھا۔ملتان سلطانز کے کپتان شان مسعود نے ٹاس جیت کر پہلے فیلڈنگ کا فیصلہ کیا تو اسلام آباد یونائیٹڈ کے اوپنر کولن منرو کے علاوہ کوئی بلے باز بھی زیادہ دیر وکٹ پر نہ ٹھہر سکا اور وقفے وقفے سے آؤٹ ہوکر پویلین واپس لوٹتا رہا۔
اوپنر لیوک رونکی 18 کے انفرادی اسکور پر آؤٹ ہوکر پویلین واپس پہنچے تو کولن منرو نے کپتان شاداب خان کے ہمراہ 31 رنز کی شراکت قائم کی جو اسلام آباد یونائیٹڈ کی اننگز کی سب سے طویل شراکت داری تھی۔
کولن منرو 25 اور شاداب خان 14 رنز بناکر آؤٹ ہوئے۔ دونوں کھلاڑیوں کو اسپنر عمران طاہر نے آؤٹ کیا۔
ابتدائی تین بلے بازوں کے علاوہ اسلام آباد یونائیٹڈ کا کوئی بلے باز بھی ڈبل فگر میں داخل نہ ہوسکا اور مقررہ 9 اوورز میں 7وکٹوں کے نقصان پر 91 رنز ہی بنائے جاسکے۔ کولن انگرام 6، آصف علی 4، رضوان حسین7 اور عماد بٹ 8 رنز بناکر آؤٹ ہوئے۔
عمران طاہر اور جنید خان نے 2،2 جبکہ معین علی نے ایک وکٹ حاصل کی۔
مطلوبہ ہدف کے تعاقب میں ملتان سلطانز کے اوپنر جیمز ونس نے جارحانہ انداز اپناتے ہوئے محض 20 گیندوں پر نصف سنچری بناکر میچ میں گرفت مضبوط کرلی۔ انہوں نے ذیشان اشرف کے ہمراہ 68رنز کی ابتدائی شراکت قائم کی۔
ذیشان اشرف16رنز بناکر آؤٹ ہوئے۔ملتان سلطانز نے مطلوبہ ہدف ساتویں اوور کی چوتھی گیند پر ایک وکٹ کے نقصان پر حاصل کرلیا۔
میچ میں شاندار نصف سنچری اسکور کرنے پر جیمز ونس کو مین آف دی میچ قرار دیا گیا۔
ملتان سلطانز کی ٹیم 11 پوائنٹس کے ساتھ پوائنٹس ٹیبل پر پہلی پوزیشن پر براجمان ہے جبکہ اسلام آباد یونائیٹڈ کی ٹیم 7 پوائنٹس کے ساتھ تیسرے نمبر پر موجود ہے۔
ایچ بی ایل پی ایس ایل 2020 میں ایک روز آرام کے بعد10 مارچ بروز کولاہور قلندرز اور پشاور زلمی کی ٹیمیں شام 7 بجےقذافی اسٹیڈیم لاہور میں مدمقابل آئیں گی۔

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker