فیصل آباد:فیصل آباد کے علاقے گھسیٹ پوره میں احمدیہ بیت الذکر پر فائرنگ کی گئی ہے جس سے عبادت گاہ کے معلم سمیت پانچ احمدی زخمی ہوگئے۔ اس کے بعد عبادت گاہ کو توڑ پھوڑ کے بعد نذر آتش کر دیا گیا۔ وجہ تنازع کرکٹ کھیلتے دو نوجوانوں کے بیچ معمولی نوعیت کا جھگڑا تھا جس کو بدنیتی سے مذہبی منافرت کا رنگ دیا گیا ۔ جمعرات کو مغرب کے بعد سے علاقے میں سخت اشتعال پایا جاتا ہے۔ پولیس نے ابتدائی طور پر مداخلت نہیں کی لیکن رات گئے رینجرز کی آمد کی اطلاعات ہیں۔ یہ مصدقہ ذرائع سے حاصل کی گئی معلومات ہیں۔ نیز یہ کہ چھ احمدی افراد کے جاں بحق ہونے کی افواہ درست نہیں البتہ ایک زخمی تشویش ناک حالت میں ہے ۔ ایک احمدی کی دکان میں توڑ پھوڑ بھی کی گئی ہے۔جماعت احمدیہ کے ترجمان سلیم الدین کے مطابق زخمی ہونے والے احمدیوں کے نام سرفراز، وقاص، طاہر، قیصر اور معلم شوکت ہیں۔ تمام زخمی خطرے سے باہر ہیں۔ ایلیٹ فورس موقع پر پہنچ گئی ہے۔ عبادت گاہ کو آگ لگا دی گئی ہے۔
فیس بک کمینٹ