اسلام آباد: وزیراعظم چینی صدر اور چینی وزیراعظم کی دعوت پر چار جون سے چین کا سرکاری دورہ کریں گے، ان کے ساتھ 110 رکنی تجارتی وفد بھی روانہ ہوگا۔
وزیراعظم دفتر کے مطابق شہباز شریف کا دورہ چین تین مراحل پر مشتمل ہوگیا۔ وزیراعظم چین کے صدر شی جن پنگ اور وزیراعظم لی کیانگ کی دعوت پر 4 سے 8 جون تک چین کا دورہ کریں گے۔
وزیراعظم شہباز شریف بیجنگ میں صدر شی جنگ پنگ سے ملاقات کریں گے اور وزیراعظم لی کیانگ کے ساتھ وفود کی سطح پر بات چیت کریں گے۔ شہباز شریف بیجنگ کے علاوہ ژیان اور شینزین کے شہروں کا ۔ وزیراعظم نیشنل پیپلز کانگریس کی اسٹینڈنگ کمیٹی کے چیئرمین مسٹر ژاؤ لیجی اور اہم سرکاری محکموں کے سربراہان سے بھی ملاقاتیں کریں گے۔
وزیراعظم کے دورے کا ایک اہم پہلو تیل و گیس، توانائی، آئی سی ٹی اور ابھرتی ہوئی ٹیکنالوجیز میں کام کرنے والی سرکردہ چینی کمپنیوں کے کارپوریٹ ایگزیکٹوز سے ملاقاتیں ہوں گی۔ وزیراعظم چین میں اقتصادی اور زرعی زونزکا بھی دورہ کریں گے اور شینزن میں دونوں ممالک کے سرکردہ تاجروں، کاروباری شخصیات اور سرمایا کاروں کے ساتھ چائنا پاکستان بزنس فورم سے خطاب کریں گے۔
مزید برآں وزیر اعظم شہباز شریف کے دورہ چین کے انتظامات مکمل کرلیے گئے، وزیر اعظم ہاؤس نے پی آئی اے سے جہاز مانگ لیا۔
ذرائع کے مطابق وزیر اعظم آفس نے پی آئی اے انتظامیہ کو دورہ چین کیلئے جہاز تیار کرنے کا حکم دیا ہے، پی آئی اے انتظامیہ نے وزیر اعظم آفس کو ایئر بس اے 320 کی دستیابی سے آگاہ کردیا۔
ذرائع کے مطابق وزیراعظم شہباز شریف کے ہمراہ 110 رکنی تجارتی اور سرمایہ کاری وفد چین روانہ ہوگا، پی آئی اے چارٹر جہاز کے تمام اخرجات وزیر اعظم آفس ادا کرے گا، چارٹر فلائٹ اسلام آباد سے شینزن صوبے کے لیے چار جون کو اڑان بھرے گئی، چارٹر جہاز 4 روز تک شینزن میں ہی رکے گا۔
(بشکریہ:ایکسپریس نیوز)
فیس بک کمینٹ