اہم خبریں

شمالی وزیرستان میں پولیو ٹیم پر حملہ : رضا کار سمیت تین افراد ہلاک

پشاور : صوبہ خیبرپختونخوا کے ضلع شمالی وزیرستان کے علاقے دتہ خیل میں نامعلوم مسلح افراد نے پولیو ٹیم پر حملہ کرکے ٹیم کی حفاظت پر مامور 2 پولیس اہلکار اور ایک رضاکار کو قتل کردیا۔پولیو ایمرجنسی ریسپانس سینٹر کے حکام نے حملے کی تصدیق کرتے ہوئے بتایا کہ ٹیمز علاقے میں انسداد پولیو مہم میں مصروف تھیں کہ اس دوران ان پر حملہ ہوا، جاں بحق رضاکار کی شناخت رشید اللہ کے نام سے ہوئی۔
سینئر پولیس افسر اشفاق انور نے اے ایف پی سے بات کرتے ہوئے بتایا کہ ’مسلح افراد موٹرسائیکل پر آئے اور ویکسینیشن ٹیم پر فائرنگ کردی جس کے نتیجے میں ایک راہگیر بچہ بھی زخمی ہوا۔انہوں نے بتایا کہ فائرنگ کے نتیجے میں تینوں افراد موقع پر ہی دم توڑگئے جبکہ حملہ آور فرار ہونے میں کامیاب رہے۔حملے کے بعد پولیس اور قانون نافذ کرنے والے اہلکار جائے وقوع پر پہنچ گئے اور حملہ آوروں کی تلاش کے لیے سرچ آپریشن شروع کردیا، ضلع کے سینیئر سرکاری عہدیدار شاہد علی خان نے بھی واقع کی تصدیق کی۔
پاکستان اور افغانستان وہ دو ممالک ہیں جہاں پولیو کی بیماری اب بھی موجود ہے اور یہاں ویکسینیشن ٹیمز کو عسکریت پسندوں کے حملوں کا سامنا رہتا ہے۔سال 2012 سے اب تک متعدد پولیو ورکرز اور ان کی حفاظت پر مامور اہلکار کو قتل کیا جاچکا ہے۔

( بشکریہ : ڈان نیوز )

فیس بک کمینٹ
Tags

Adblock Detected

Please consider supporting us by disabling your ad blocker