معروف دانش ور ، سابق ڈائریکٹر تعلقات عامہ بہاول پور رانا اعجاز محمود رخصت ہو گئے

ملتان : معروف ترقی پسند دانشور ،صحافی، ڈائریکٹر بہاول پور آرٹس کونسل اور سابق ڈائریکٹرتعلقات عامہ بہاولپور رانا اعجاز محمود بدھ کے روزبہاولپورمیں انتقال کرگئے ۔ان کی عمر 56برس تھی اوروہ گزشتہ چندماہ سے ذیابیطیس سمیت مختلف عوارض کاشکارتھے ۔
چندہفتے قبل رانا اعجاز محمود کو تشویشناک حالت میں لیہ منتقل کیاگیاتاہم طبیعت سنبھلنے کے بعد وہ واپس بہاولپورواپس آگئے ان کی طبیعت اب بہترہوچکی تھی۔گزشتہ دوروز کے دوران ان سے آصف خان کھیتران اورسجاد جہانیہ سمیت ان کے مختلف دوستوں نے ملاقات کی ۔آج بدھ کے روزوہ اچانک حرکت قلب بند ہوجانے سے انتقال کرگئے ۔رانااعجازمحمودکاتعلق چوک اعظم ضلع لیہ سے تھا۔ابتدائی تعلیم لیہ سے حاصل کی۔گریجوایشن گورنمنٹ کالج ساہیوال سے کی ۔1987ءمیں محکمہ تعلقات عامہ پنجاب کے ساتھ منسلک ہوئے اورلیہ ملتان ،لاہور اوربہاولپورسمیت مختلف شہروں میں فرائض انجام دیئے ۔اسی دوران افسرتعلقات عامہ ایم ڈی اے کی حیثیت سے بھی کام کیا۔رانااعجاز محمودگزشتہ چند برسوں سے ڈائریکٹرتعلقات عامہ بہاولپورکی حیثیت سے فرائض انجام دے رہے تھے۔رانا اعجاز کا علم و ادب سے بھر پور وابستگی تھی وہ ملکی و عالمی سیاست پر گہری نظر رکھتے تھے ۔