2018 انتخاباتکتب نمالکھاری

عمران کے پانچ ناجائز بچے ، بڑے لڑکے کی عمر 34 سال ہے: ریحام خان

عمران خان کی سابق اہلیہ ریحام خان نے اپنی منظر عام پر آنے والی کتاب میں لکھا ہے کہ ایک بار ہم عمران خان کی ناجائز بیٹی ٹیریان کے بارے میں بات کر رہے تھے، ریحام نے لکھا کہ عمران نے بتایا کہ وہ اپنے دونوں بیٹوں سے زیادہ ٹیریان سے بات کرتے ہیں۔عمران خان نے مجھے ٹیریان کی جانب سے کیے گئے ٹیکسٹ میسج بھی دکھائے۔ ریحام خان لکھتی ہیں کہ ان سے میں نے یہ نتیجہ نکالا کہ وہ بہت حساس اور سمجھ دار لڑکی ہے اور عمران خان کو باقی فیملی کی نسبت سب سے بہتر مشورے دیتی ہے۔
ریحام خان نے لکھا ہے کہ ایک میسج میں ٹیریان نے عمران خان کو کہا تھا کہ آپ سلیمان کی بچگانہ ڈیمانڈز کو نظرانداز کر دیا کریں اور اس کی جذباتی بلیک میلنگ میں نہ آیا کریں۔ سلیمان وقت کے ساتھ ساتھ سمجھ دار ہو جائے گا۔ ریحام خان نے لکھا کہ عمران خان نے مجھے بتایا کہ سلیمان ٹیریان کو قبول نہیں کرتا تھا، سلیمان کو ٹیریان کو قبول کرنے میں 10 سال لگے۔
ریحام نے اپنی کتاب میں انکشاف کیا کہ جب ہم ٹیریان کے بارے میں بات کر رہے تھے تو عمران خان نے مسکراتے ہوئے شرارتی انداز میں کہا کہ یہ اکیلی نہیں، ایسے پانچ ہیں۔ ریحام خان نے لکھا کہ میں نے حیران ہو کر کہا کہ کیا پانچ ہیں؟
اس کے جواب میں عمران خان مسکراتے ہوئے کہا کہ بچے۔
ریحام خان لکھتی ہیں کہ میں نے عمران خان کو کہا کہ کیا تمہارے یہ پانچوں ناجائز بچے ہیں اور تمہیں کیسے معلوم کہ وہ تمہارے بچے ہیں؟ جس کے جواب میں عمران نے بتایا کہ ان کی ماؤں نے مجھے بتایا ہے۔
ریحام خان نے کہا کہ میں نے پوچھا کہ کیا یہ تمام سفید فام ہیں؟
عمران نے جواب میں کہا کہ نہیں، کچھ ہندوستانی بھی ہیں۔ ریحام خان نے لکھا کہ عمران خان نے بتایا کہ میرے بھارتی ناجائز لڑکے کی عمر 34 سال ہے۔ ریحام نے لکھا کہ یہ تمام باتیں سن کر میں سکتے میں آ گئی، میں نے پوچھا کہ عمران یہ کیسے ہو سکتا ہے، اس لڑکے کی ماں نے کیوں نہیں بتایا کہ وہ تمہارے بچے کی ماں بن گئی ہے؟ جس کے جواب میں عمران خان نے کہا کہ اس کی شادی کو عرصہ ہو گیا تھا لیکن وہ حاملہ نہیں ہو سکی تھی وہ میرے بچے کی ماں بن کر انتہائی خوش تھی۔
ریحام لکھتی ہیں میں نے عمران خان سے پوچھا کہا کہ یہ بات اور کسے معلوم ہے؟ عمران خان نے کہا کہ جمائما جانتی ہے۔ اسے میں نے خود بتایا تھا۔

( بشکریہ : ہم سب لاہور )

فیس بک کمینٹ

متعلقہ تحریریں

Leave a Reply

Your email address will not be published.

Adblock Detected

Please consider supporting us by disabling your ad blocker