پشاور : پاکستان کے صوبہ خیبر پختونخوا کے علاقے جنوبی وزیرستان سے سات پولیس اہلکار لاپتا ہوگئے ہیں۔ جنوبی وزیرستان کے ڈسٹرکٹ پولیس آفیسر ارشد خان نے اس واقعے کی تصدیق کی ہے۔
مقامی افراد کا کہنا ہے کہ تین پولیس اہلکار تھانہ لدھا کی حدود میں پیڑولنگ کے دوران لاپتہ ہوئے جبکہ تھانہ سروکئی کی حدود تانگہ چگملائی سے بھی چار پولیس اہلکار لاپتہ ہوئے ہیں۔ ڈی پی او ارشد خان کے مطابق، لاپتہ اہلکاروں کے بارے میں تاحال کچھ معلوم نہیں ہو سکا ہے تاہم پولیس ان کی تلاش میں علاقے میں کوششیں کر رہی ہے۔
اس واقعے کے بعد علاقے میں سکیورٹی مزید سخت کر دی گئی ہے ۔ اور لاپتا اہلکاروں کی تلاش جاری ہے تاہم ابھی تک کسی گروہ نے اس کی ذمہ داری قبول نہیں کی
( بشکریہ : بی بی سی اردو )
فیس بک کمینٹ