ملتان۔(اے پی پی):اسلام آباد میں سپریم کورٹ میں پریکٹس اینڈپروسیجربل کی سماعت کے موقع پرپاکستان بار کونسل کی جانب سے ہڑتال کی اپیل ناکام ہوگئی ۔
ملتان سمیت جنوبی پنجاب کے مختلف شہروں میں جمعرات کے روز وکلاءنے معمول کی سرگرمیاں جاری رکھیں ۔ملتان کی ضلعی عدالتوں اورہائی کورٹ بنچ میں بھی مقدمات کی سماعت جاری رہی اوروکلاءکی جانب سے بارکونسل کی اپیل نظرانداز کردی گئی ۔
سینئر ماہر قانون قیصر عباس صابرنے اے پی پی سے بات چیت کرتے ہوئے کہاکہ میں خود اس وقت ہائی کورٹ میں موجودہوں یہاں مقدمات کی سماعت ہورہی ہے وکلاءکے لئے ان کے سائل زیادہ اہم ہیں ،عید قریب ہونے کی وجہ سے آج کل ضمانتوں کے مقدمات زیرسماعت ہیں وکلاءکی بھی کوشش ہے کہ ان کے سائلوں کے پیارے عید اپنے پیاروں کے ساتھ منائیں ۔
فیس بک کمینٹ