ملتا ن : حکومتی ریلیف ہو یا کرونا کی عالمی وباءاور سیلاب کی تباہ کاریاں یوٹیلٹی سٹور ملتان ریجن نے شہریوں کو ضروریات زندگی کی اہم اشیاء کی بلا تعطل فراہمی کو یقینی بنایا ہے۔اسی جذبہ کو برقرار رکھتے ہوئے ملتان ریجن کے سیل سٹاف نے وزیراعظم رمضان ریلیف پیکج شب و روز کی محنت کی بدولت ساڑھے تین لاکھ صارفین تک پہنچا کر تقریبا ایک ارب روپے کی سیل کا منفرد ریکارڈ قائم کر دیا ہے ۔
ان خیالات کا اظہار ریجنل مینیجر ملتان چوہدری سجاد حسین نے سیلز آفیسرز اور سٹاف کے نام اپنے تحریری بیان میں کیا ہے انہوں نے رمضان ریلیف پیکج 2024 میں بہترین کارکردگی پر ملتان ریجن کے سیل سٹاف کو خراج تحسین پیش کیا۔اپنے بیان میں انہوں نے کہا کہ حکومت ریلیف پیکج ہو یا ملک و قوم پر کوئی مشکل گھڑی آن پہنچے تو یوٹیلٹی سٹور کارپوریشن نے ہمیشہ نا صرف قوم کا ساتھ دیا بلکہ ان کے اعتماد پر بھی پورا اتری ہے۔ عالمی وبا اور سیلاب کی تباہ کاریوں میں ملتان ریجن کے سپاہی جان پر کی بازی لگا کر اپنی ذمہ داریاں احسن طریقے سے انجام دیتے رہے اور سیلابی علاقوں میں راشن پہنچایا۔انہوں نے مزید کہا کہ یوٹیلٹی سٹورز کارپوریشن ملک و قوم کی خدمت میں کوئی کسر نہیں اٹھا رکھے گی۔
فیس بک کمینٹ