لاہور : معروف سماجی رہنما ، نام ور ماہر زراعت اور مینگو گرورز ایسوسی ایشن کے صدر سید زاہد حسین گردیزی علالت کے باعث شوکت خانم ہسپتال میں زیر علاج ہیں۔ دو روز قبل ممتاز سرجن خرم میر اور ان کی ٹیم نے ان کا آپریشن کیا۔ ان کی حالت بہتر ہے اور وہ روبہ صحت ہیں۔
تحریک انصاف کے وائس چیئرمین مخدوم شاہ محمود قریشی نے گزشتہ روز شوکت خانم ہسپتال میں ان کی عیادت کی۔ وہ کچھ دیر وہاں موجو د رہے اور ان کی صحت یابی کیلئے دعا کی۔ دریں اثناء سابق وفاقی وزیر سید فخر امام، دربار حضرت شاہ یوسف گردیز کے سجادہ مخدوم روشن علی گردیزی، رکن صوبائی اسمبلی مخدومزادہ زین حسین قریشی،صوبائی وزیر زراعت سید حسین جہانیاں گردیزی، سید اعزاز حسن گردیزی، سابق آئی جی پولیس سید اصغر رضا گردیزی، سابق وفاقی سیکرٹری سید محمد علی گردیزی، مرکزی امام حسین کونسل کے چیئرمین ڈاکٹر غضنفر مہدی،ممتاز شاعر ادیب شاکر حسین شاکر، رضی الدین رضی، انجینئر ممتاز احمد خان، خواجہ فاروق، ڈاکٹر ابرار احمد، ایمبسیڈر خیام، خواجہ حبیب، افضل سپرا، بریگیڈیئر (ر) مقصود قریشی، خواجہ یوسف، فاروق تسنیم، عمران گردیزی، ڈاکٹر ذیشان گردیزی،ڈاکٹر سید علی رضا گردیزی، سید مظفر عباس گردیزی، سید عون رضا،سول جج جاوید قریشی اور دیگر احباب نے بذریعہ ٹیلی فون سید زاہد حسین گردیزی کی خیریت دریافت کی اور ان کی جلد صحت یابی کیلئے دعا کی۔سید زاہد حسین گردیزی کے اہلخانہ نے احباب سے زاہد گردیزی کی صحت یابی کیلئے دعاؤں کی درخواست کی ہے
فیس بک کمینٹ