سابق وزیراعظم و پاکستان تحریک انصاف کے چیئرمین عمران خان کی زیرصدارت مرکزی رہنماوں کااجلاس جاری ہے۔
اجلاس میں شاہ محمود قریشی،فواد چوہدری، شبلی فراز، سینیٹراعظم سواتی، اعجاز چوہدری اور محمود خان شریک ہیں۔
اجلاس میں عمران خان کو حکومت کےساتھ مذاکرات پر بریفنگ دی گئی اور چوہدری پرویز الٰہی کی رہائش گاہ پرآپریشن کےبعد مذاکرات کے مستقبل پرغور کیا گیا۔
اجلاس میں حکومت کے ساتھ مذاکرات کے حوالے سے بھی مشاورت جاری ہے۔
خیال رہے کہ حکومتی اتحاد اور پی ٹی آئی میں بیک وقت انتخابات کیلئے مذاکرات جاری ہیں اور مذاکرات کا فائنل راؤنڈ منگل 2 مئی کو اسلام آباد میں ہونا ہے۔
اس کے علاوہ گزشتہ شب پی ٹی آئی کے صدر چوہدری پرویز الٰہی کے گھر پولیس نے چھاپہ مارا تاہم ان کی گرفتاری عمل میں نہیں آسکی۔
(بشکریہ:جیونیوز)
فیس بک کمینٹ