ملتان : انسداد دہشت گردی کی خصوصی عدالت نمبر 2 کے جج صادق مسعود صابر نے 84 ملزمان کا 14 روزہ جوڈیشل ریمانڈ منظور کر لیا۔ پولیس تھانہ کینٹ نے ملزمان کو 9 مئی کو کینٹ میں ہونے والے احتجاج میں گرفتار کیا تھا۔ پولیس نے پی ٹی آئی کے 84 شر پسند عناصر کے خلاف مقدمہ نمبر 868/23 درج کیا تھا۔ پولیس نے ملزمان کو انسداد دہشت گردی کی خصوصی عدالت نمبر 2 میں جوڈیشل ریمانڈ حاصل کرنے کے لئے پیش کیا۔ ایف آئی آر کےمتن کےمطابق ملزمان نے 9 مئی کو کینٹ میں احتجاج کیا اور منہ کو کپڑوں سے ڈھانپا ہوا تھا۔پولیس نےاستدعا کی کہ ملزمان کی شناخت پریڈ کرنا ہے عدالت جوڈیشل ریمانڈ منظور کرے ، انسداد دہشت گردی کی خصوصی عدالت کے جج مسعود صابر نے ملزمان کا جوڈیشل ریمانڈ منظور کرتے ہوئے شناخت پریڈ کے لئے جیل بھجوا دیا۔
فیس بک کمینٹ