راولپنڈی : سابق وزیراعظم نوازشریف کی صاحبزادی مریم نواز نے اڈیالہ جیل میں بہتر سہولیات لینے سے انکار کردیا ہے ۔عام قیدیوں کی طرح جیل میں رہنے کے فیصلے کے حوالے سے جیل سپریٹنڈنٹ کو لکھے گئے خط کو مریم نواز کی ٹیم نے سوشل میڈیا پر پوسٹ کردیا ہے ۔مریم نواز کے مطابق انہیں جیل سپریٹنڈنٹ نے بطور سابق وزیراعظم کی بیٹی کے سہولیات مہیا کرنے کا کہا،جس پر انہوں نے خط لکھا۔ایون فیلڈ ریفرنس میں احتساب عدالت سے 7سال قید بامشقت اور جرمانے کی سزا یافتہ مریم نواز نے کہا کہ میں نے جیل میں بہتر سہولیات لینے سے از خود انکار کیا ہے ۔انہوں نے مزید کہا کہ یہ میرا ذاتی فیصلہ ،میں نے یہ فیصلہ کسی دباؤ کے تحت نہیں کیا ۔
فیس بک کمینٹ