ملتان : گردو پیش کی ٹیم پاکستان کی 75 ویں سالگرہ کے موقع پر ایک نئے سفر کا آغاز کر رہی ہے ۔ جنوبی پنجاب کے اس پہلے ای پیپر کا دائرہ کار اب ملک بھر میں پھیلایا جا رہا ہے ۔ گردو پیش کی جانب سے پاکستان کے تمام اضلاع میں نمائندوں کا تقرر کیا جارہا ہے جو ویب سائٹ کے لیے بھی خبریں ارسال کریں گے اور گردو پیش نیوز چینل کے لیے بھی کام کریں گے ۔
گردو پیش ویب سائٹ نے گزشتہ چھے برسوں کے دوران خبر کی صداقت کو ہی اصل معیار بنایا اور کوشش کی کہ سنسنی خیز ی کی آڑ میں افواہوں کو خبروں کا روپ نہ دیا جائے ۔ ہم نے یہ بھی کوشش کی کہ ان طبقوں کی آواز قارئین تک پہنچائی جائے جن کی بات مین سٹریم میڈیا کسی مصلحت ، دباؤ یا خوف کی بنا پر عوام تک نہیں پہنچاتا ۔
بلوچستان ،خیبر پختونخوا ، قبائلی علاقوں اور سندھ یا سرائیکی خطے کے پسماندہ عوام ہوں یا انتہاء پسندی کا شکار ہونے والے غیر مسلم اور ہزارہ برادری کے افراد ، گردو پیش نے ان کا مؤقف سامنے لانے کی ضرور کوشش کی اور ان کے دکھوں کو ان صفحات کے ذریعے آپ تک پہنچایا ۔ ہم ایسی تحریریں بھی سامنے لاتے ہیں جو قومی اخبارات مکمل شائع ہیں کر تے یا ناقابل اشاعت قرار دے دیتے ہیں ۔
قارئین محترم آنے والے دنوں میں یہ سفر نئے انداز میں جاری رہے گا ۔ اور یہ سفر کبھی تنہا نہیں ہوتا آپ کی حوصلہ افزائی ہمیں تھکنے نہیں دیتی ۔
گردو پیش کو اضلاع میں نمائندوں کی ضرورت ہے ۔ اگر آپ گردو پیش ٹیم کا حصہ بننا چاہتے ہیں تو پہلی فرصت میں رابطہ کیجیے ۔ اپنے کوائف اور صحافتی تجربے کی تفصیل اس واٹس ایپ نمبر پر ارسال کیجیے ۔
03186780345
شکریہ
رضی الدین رضی
13 اگست دو ہزار بائیس
فیس بک کمینٹ