اختصارئےاظہر سلیم مجوکہلکھاری

اظہر سلیم مجوکہ کا اختصاریہ:غضنفر شاہی دنیائے صحافت کا درخشندہ ستارہ

محترم غضنفر شاہی ایک یادگار اور بھرپور زندگی گزار کر اس دنیائے فانی سے رخصت ہو گئے ہیں لیکن دوستوں کی محفلوں اور یادوں میں وہ ابھی بھی زندہ جاوید ہیں غضنفر ہاشمی ایک زندہ دل اور مجلس کے آ دمی تھے ان کا زیادہ وقت دوستوں میں ہی گزرتا تھا گویا دوستوں کے درمیان ان کا وجود ہی وجہ دوستی تھا انہوں نے صحافتی سیاست میں اس وقت حصہ لیا جب صحافت پر حکومت اور اخبار مالکان کی طرف سے کئی پابندیاں اور قدغنیں تھیں انہوں نے اس مشکل وقت اور جبر کے ماحول میں صحافی برادری کے لئے ایک سائبان مہیا کیا ۔
وہ تین مرتبہ ملتان پریس کلب کے صدر رہے اور صحافیوں کے حقوقِ کی آواز بلند کرنے کے ساتھ ساتھ ان کو مراعات اور سہولیات دلانے کے لئے دامے درمے سخنے اپنا موثر کردار ادا کرتے رہے وہ مشکل وقت میں ہمیشہ اپنے ممبران اور صحافی دوستوں کے ساتھ کھڑے دکھائی دیتے جناب مسیح اللہ جام پوری اور جناب چمشید رضوانی اور متعدد دیگر دوستوں کا انہوں نے کڑے وقت میں ساتھ دیا وہ بذلہ سنج ہونے کے ساتھ ساتھ کھری بات کرنے کا سلیقہ بھی جانتے تھے جبکہ روٹھے ہوؤں کو منانا بھی انہیں آ تا ہے ان سے ملنے والا ہر شخص یہی سمجھتا تھا کہ شاہی صاحب ان کے دوست خاص ہیں۔ بنک کی اکثر پریس کانفرنس کے دوران انہوں نے ہمیشہ مثبت رپورٹنگ کی وہ اداروں اور ان کے ملازمین کے لئے ہمیشہ مثبت اور ہمدردانہ رویہ رکھتے تھے ان کے بیٹے عمار یاسر بھی اب بنک میں ہیں عضنفر شاہی صاحب نے ہمیشہ آ ذاد اور شاہانہ زندگی گذاری اور آ خری وقت میں اپنی بیماری کا بھی مردانہ وار مقابلہ کرتے رہیے گو انہیں دوستوں کی روایتی بے حسی اور بے اعتنائی کا بھی احساس تھا لیکن انہوں نے اس کا شکوہ نہ کیا ان کی وفات پر ان کے ہمدم دیرینہ جناب رضی الدین رضی نے سخنور فورم کی ادبی بیٹھک میں ایک تعزیتی ریفرنس بھی منعقد کیا
اللہ کرم غضنفر شاہی صاحب کے درجات بلند کرے اور انہیں جوار رحمت میں جگہ دے آ مین تم آ مین
حق مغفرت کرے عجب آ زاد مرد تھا

فیس بک کمینٹ

متعلقہ تحریریں

Adblock Detected

Please consider supporting us by disabling your ad blocker