پاکپتن : پاکپتن میں برصغیر پاک ہند کی عظیم صوفی بزرگ حضرت بابا فرید الدین مسعود گنج شکر کے سالانہ 781ویں عرس کی سب سے بڑی رسم بہشتی دروازہ کی قفل کشائی کر دی گئی۔
سالانہ عرس کی تقریبات پیر کی شب اپنے عروج کو پہنچ گئیں۔ سجادہ نشین دیوان مودود مسعود چشتی فاروقی نے آج پہلے دن عرس کی سب سے بڑی رسم ادا کرتے ہوئے بہشتی دروازہ کی قفل کشائی کر دی۔ فضاء حق فرید یا فرید کے نعروں سے گونج اٹھی۔ اس موقع زبردست آتشبازی کا مظاہرہ کیا گیا۔
آنے والے زائرین کو جامعہ چیکنگ کے بعد احاطہ دربار میں داخل ہونے دیا جا رہا ہے۔ ضلعی انتظامیہ نے عارضی ہسپتال قائم کر دیا ہے اور بہشتی لائن کے راستے میں ٹھنڈے پانی کی سبیلیں لگا دی گئیں ۔
آج رات میں تقریبا ایک لاکھ سے زائد عقیدت مندبہشتی دروازے سے گزرنے کی سعادت حاصل کریں گے۔
اس موقع پر سخت حفاظتی انتظامات کیے گئے ہیں اور 224 سی سی ٹی وی کیمرروں سے مانیڑنگ کی جارہی ہے اور دوہزار پولیس اہلکار ڈیوٹی کے فرائض سر انجام دے رہے ہیں۔۔
فیس بک کمینٹ