لاہور:نامور کالم ، مزاح نگاراور دانشور عطاءالحق قاسمی نے کہا ہے کہ پروفیسر ڈاکٹر محمدشہباز جیسے لوگ پاکستان کا اثاثہ ہیں انہوں نے ماحولیات اور معاشیات کے حوالے سے جو کام کیا ہے وہ وقت کی ضرورت ہے۔ ”پاکستان کے غیر حل شدہ مسائل کا حل“ ایک ایسی کتاب ہے جسے نصاب کا حصہ ہونا چاہئے۔
ان خیالات کا اظہار انہوں نے ڈاکٹر محمد شہباز کی کتاب “Solving Unsolved Issues Of Pakistan “ کی پی سی ہوٹل لاہور میں منعقدہ تعارفی تقریب میں کیا۔ انہوں نے مزید کہا کہ مدت بعد میں نے ایک تقریب دیکھی اور ایسی گفتگو سنی جس جس میں جھوٹ اور تصنع نہیں ۔
معروف کالم نگار جاوید چودھری نے ویڈیو لنک پر کہا کہ شہباز کی شخصیت بہت بڑی شخصیت ہے اور ان کاکام ان سے بھی بڑا ہے اس کتاب میں توانائی سیاحت زراعت اور ٹیکنالوجی پر خوبصورت بحث ہے۔
نامور دانشور شاعرہ اور کالم نگار ڈاکٹر صغرٰی صدف نے کہا ان جیسے لوگ علم و تحقیق کے پہچان ہیں اور ہمارے لئے مشعل راہ ہے۔
معروف مزاح نگار گل نوخیز اختر نے کہا ایسے لوگ پس منظر میں رہ کر بڑا کام کر رہے ہیں ڈاکٹر شہباز ہمارا اثاثہ ہیں۔
سینئر صحافی رضی الدین نے کہا ان کے کام سے تحقیق کے نئے در وا ہوئے ہیں اور وہ پاکستان اور دنیا بھر میں سب سے زیادہ سرچ کئے جانے والے ماہر تعلیم اور محقق ہیں۔
وائس چانسلر سرگودھا یونیورسٹی پروفیسر ڈاکٹر قیصر عباس نے کہا ڈاکٹر شہباز ہمیشہ لگن اور تندہی سے کام کرتے ہیں امید ہے اب پاکستان کے موجودہ حالات کے حوالے سے معیشت دانوں کی سرپرستی کریں۔
پروفیسر ڈاکٹر شجاعت مبارک نے کہا اس کتاب میں پاکستان کے موجودہ مسائل کا بہترین حل مکمل روڈ میپ کے ساتھ موجودہ ہے جی ایم قمر نے کہا ان کے کام سے دنیا بھر میں نئے تحقیق کرنے والے سکالر اور پالیسی میکر راہ نمائی لے کے اپنا کام آگے بڑھا رہے ہیں۔
چئیرمین شعبہ میڈیا اینڈ کمیونیکشن سٹڈیز پروفیسر ڈاکٹر شہزاد رانا نے کہا انہوں نے اپنی تحقیق کو کام کرنے والوں اور عام آدمی کے لئے آسان اور عام فہم بنا کر پیش کیا ہےاور پسماندہ ممالک کے بہت سارے مسائل کا حل دیا ہے ڈاکٹر مقبول سیال نے کہ کہا ڈاکٹر شہباز ہمیشہ اہداف بنا کر بڑے کام کرتے جاتے ہیں اور ان کا یہ کام اپنی نوعیت کا ایک بڑا کام ہے۔کریم احمد نے کہا کتاب کے سارے حصے موضوعات سے بھرپور ہیں۔
ڈاکٹر محمد شہباز نے آخر میں تمام معزز مہمانان کا شکریہ ادا کیا اور کہا ہمیشہ کی طرح پاکستان کی۔ خدمت کرتا رہوں گا اور کام کرنے والوں کی راہنمائی و معاونت کرتا رہوں گا
فیس بک کمینٹ