اختصارئےتجزیےفاضل جمیلیلکھاری

الیکشن کی بساط پر نئی بازی کے لئے نئی کنگز پارٹی تیار ۔۔ فاضل جمیلی

کراچی میں خنکی پیداکرنے والی کوئٹہ کی ہوائیں اس مرتبہ اسلام آباد کی جانب چل پڑی ہیں ۔معمول سے ہٹ کر چلنے والی ان ہواؤ ں کی بدولت ملک کا سیاسی درجہء حرارت بڑھنے کا امکان ہے۔ سینیٹ الیکشن میں چاروں صوبوں کے مقابلے میں بلوچستان کا پلڑا بھاری کرنے والے شطرنج کے کھلاڑی اگلے الیکشن کی بساط پرنئی بازی کھیلنے کی تیاری کر چکے ہیں۔وزیرداخلہ بلوچستان سرفراز بگٹی نے اعلان کیا ہے مسلم لیگ ن سے آزاد ہونے والے ارکان پر مشتمل ایک نئی پارٹی بنے گی۔نئی پارٹی کا اعلان سینیٹ الیکشن میں اہم کردار ادا کرنے والے وزیراعلیٰ بلوچستان میر عبدالقدوس بزنجو ایک دودن میں کریں گے۔ کہا جاتا ہے کہ نئی سیاسی جماعت کا نام متحدہ مسلم لیگ ہو گا۔ آپ اسے نئی قاف لیگ یا کنگز پارٹی بھی کہہ سکتے ہیں ۔نئی پارٹی میں آزاد ہم خیال، نیشنل پارٹی اور پی کے میپ کے منحرف ارکان شامل ہوں گے جبکہ اس کی سربراہی کے لیے سابق وزیراعلیٰ نواب ذوالفقارمگسی کے نام پر اتفاق ہو سکتا ہے۔نئی پارٹی کے قیام کے سلسلے میں میرعبدالقدوس بزنجو کے ساتھ ساتھ جان محمد جمالی، جام کمال، میر عبدالکریم نوشیروانی، سرفراز بگٹی، سردار صالح بھوتانی، سینٹر انوارالحق کاکڑ، میرعاصم کردگیلو، میرغلام دستگیربادینی،میر امان اللہ نوتیزئی اور سعید احمد ہاشمی بھی انتہائی سرگرم دکھائی دیتے ہیں۔پارٹی کے اہم عہدوں کے لیے بھی انہی سرگرم رہنماؤ ں کا انتخاب کیا جائے گا۔اگرنئی پارٹی کے نام متحدہ مسلم لیگ پر اتفاق رائے ہو گیا تو اسے فوری طور پر الیکشن کمیشن میں رجسٹرڈ کروایا جائے گا۔اس بات کا بھی قوی امکان ہے کہ بلوچستان سےآزاد حیثیت میں منتخب ہونے والے تمام سینٹرز متحدہ مسلم لیگ میں شامل ہو جائیں۔اس طرح نئی سیاسی پارٹی کی قوت مزید بڑھ جائے گی۔کیونکہ اسے پہلے ہی صوبے لگ بھگ 20ایسے سیاستدانوں کی حمایت حاصل ہے جو اپنے بل بوتے پر الیکشن جیتنے کی صلاحیت رکھتے ہیں۔اور اگر اگلے الیکشن میں اس نئی سیاسی جماعت کا پیپلزپارٹی اور جے یوآئی ایف سے انتخابی اتحاد ہو جاتا ہے تو پھر بلوچستان میں ایک مضبوط حکومت بنانے سے اس پارٹی کو کوئی نہیں روک سکتا۔تاہم کوئٹہ سے اُٹھنے والی تبدیلی کی یہ لہرصرف بلوچستان تک محدود نہیں رہے گی بلکہ دیگر صوبوں میں بھی نئے سیاسی اتحاد نئی کنگزپارٹیاں بننے کے امکانات کو رد نہیں کیا جاسکتا۔
( بشکریہ : جنگ ویب )

فیس بک کمینٹ

متعلقہ تحریریں

Leave a Reply

Your email address will not be published.

Adblock Detected

Please consider supporting us by disabling your ad blocker