ملتان : نام ور ماہر قانون اور پاکستان پیپلز پارٹی کے رہنما حبیب اللہ شاکر نے کہا ہے کہ آئین کی بالادستی کی جنگ میں پیپلزپارٹی کے رہنماؤں نے اپنی جانوں کی قربانیاں پیش کیں اور ہم جمہوریت اور انسانی حقوق کے لیے اپنی جد و جہد جاری رکھیں گے ۔ ان خیالات کا اظہار انہوں نے ملتان میں پیپلز پروفیسرز فورم پاکستان کے زیراہتمام آئین کی گولڈن جوبلی کے حوالے سے منعقدہ کانفرنس سے خطاب کے دوران کیا ۔
اس تقریب کی صدارت پیپلز پروفیسرز فورم پاکستان کے نامزد صدر پروفیسر ناصر حسین بخاری نے کی،جبکہ مہمانان خصوصی میں سابق ایم این اے علی موسی گیلانی سابق صوبائی وزیر علی حیدر گیلانی اور آصف خان سنیئر نائب صدر پیپلز پارٹی پنجاب تھے،سابق وزیر اعظم یوسف رضا گیلانی نے کانفرنس میں شرکت نہیں کی اور ان کا ویڈیو پیغام سنوایا گیا۔ اس اجلاس سے حبیب اللہ شاکر ایڈووکیٹ سپریم کورٹ سابق جسٹس ہائی کورٹ لاہور،پروفیسر فرخ ارسلان صدیقی،سعدیہ کمال صدیقی،ڈاکٹراشولعل،ڈاکٹر راشدہ قاضی،زری اشرف،لیاقت جعفری،پروفیسر نعیم محبوب،وسیم ریاض بھٹہ ودیگر مقررین نے خطاب کیا ۔
مقررین نے خطاب کرتے ہوئے کہا کہ پروفیسرہر صورت حال میں پاکستان پیپلز پارٹی کے ساتھ کھڑے ہیں،1973میں تشکیل دیئے گئے آئین کا کریڈٹ شہید ذوالفقار علی بھٹو سابق وزیراعظم کو جاتا ہے،اور آئین میں انسانوں کے بنیادی حقوق اور مستقبل کا تفصیل سے احاطہ کیا ہوا ہے ۔ بالخصوص آٹیکل 25سب انسانوں سے برابری کا سلوک کرنے کا درس دیتا ہے،اور اس پہ عمل کر کے پاکستان میں جمہوری اداروں کو مضبوط کیا جاسکتا ہے،اس کانفرنس میں خصوصی شرکت کرنے والوں میں سابق کسٹم آفیسر مسعود عزیز،سرائیکی پارٹی کے صدر اللہ نواز وینس،ممتاز دانش ور شاکر حسین شاکر،رضی الدین رضی،خالد ظفر وینس،سجاد ہراج،فیاض بھٹہ،امتیاز کھیڑا ودیگر سیاسی و سماجی کانفرنس اور دانش ور شریک تھے ۔
فیس بک کمینٹ