اختصارئےحسنین رضویلکھاری

حسنین رضوی کا اختصاریہ: پاکستان گرے لسٹ سے کیوں نہ نکل سکا

میں نے 14 جون کو لکھا تھا کہ پاکستان کی موجودہ حکومت ” الٹی ” بھی لٹک جاۓ تو بھی پاکستان گرے لسٹ سے نہیں نکل سکتا … میری اطلاع کے مطابق 34 نکات میں سے 32 نکات مکمل کرلینا اور دو نکات پر پیش رفت نہ کرنا پاکستان کو ابھی تک گرے لسٹ میں برقرار رکھنے کی اصل وجہ ہے۔ آخر کیا وجہ ہے کہ ان آخری 2 نکات پر عملدرآمد کرنے میں ” پر جلتے “ ہیں ۔
بہت کم لوگ جانتے ہیں کہ FATF نے جب پاکستان کو گرے لسٹ میں ڈالا اور 34 نکات پر عملدرآمد کا کہا تو اس وقت کی سول حکومت کے ہاتھ پیر پھول گئے ناچار فوج کو میدان میں آنا پڑا اور GHQ میں ایک سپیشل ” کور سیل ” بنایا گیا جس نے دن رات ایک کرکے 34 میں سے 32 نکات پر کامیابی سے عملدآمد کروایا ورنہ یہ پیش رفت کسی بھی لولی لنگڑی سول حکومت کے بس کی بات نہ تھی، لیکن مسئلہ آخری 2 نکات کا ہے جن پر عملدرامد کرواتے ہوۓ فوج کو بھی دانتوں تلے پسینہ آرہا ہے . اب بظاہر FATF والوں نے اچھی اچھی باتیں کرکے پاکستانی وفد کو واپس پاکستان بھیج دیا ہے اور وعدہ کیا ہے کہ ان کی انسپیکشن ٹیم پاکستان جاۓ گی اور حالات کا جائزہ لے کر جو رپورٹ دے گی اس پر کارروائی کرتے ہوئے اکتوبر میں پاکستان کو گرے لسٹ سے نکال دیا جاۓ گا .
میرے نزدیک فوری طور پر پاکستان کو گرے لسٹ سے نہ نکالنے کی 3 اہم وجوہات ہیں۔
پہلی وجہ پاکستان میں سیاسی عدم استحکام ہے ، اس حکومت کو عوام کی کوئی حمایت حاصل نہیں اور نہ ہی ان کے مستقبل کا کچھ پتہ ہے کہ یہ کب تک برسراقتدار رہتے ہیں جس وجہ سے اس حکومت کی یقین دہانیوں پر یقین کرنا مشکل ہے ۔
دوسری وجہ اس حکومت کی اہم شخصیات پر خود منی لانڈرنگ کے کیسز ہیں تو وہ بین الاقوامی برادری کو کیا یقین دہانیاں کروا سکتے ہیں جبکہ تیسری اور اہم وجہ وہ ” خلائی مخلوق ” ہے جو کسی نہ کسی انداز سے مذہبی شدت پسندوں اور کاونٹر ٹیرر سٹ فنانسنگ کیلیے نرم گوشہ رکھتی ہے لیکن اب پانی سر سے گزر چکا ہے مقتدر اداروں کو اب اس سلسلے میں ٹھوس پیش رفت دکھانا ہوگی اور اپنی پالیسیاں بدلناہونگی ورنہ گرے لسٹ سے ” بلیک لسٹ ” میں جاتے دیر نہیں لگے گی ۔

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker