عمران عثمانیکھیللکھاری

سپر اوور ختم،لارڈز کا فراڈیا،آج بڑا مقابلہ، آئی سی سی اجلاس کو خطرہ ۔۔ عمران عثمانی کا ون ڈے راؤنڈ اپ

**سیلفی پر پابندی **
انگلینڈ کرکٹ ٹیم کے دورہ سری لنکا میں مزید سختیاں سامنے آئی ہیں۔ کورونا وائرس کے خوف کے سبب کرکٹرز کے ہاتھ ملانے پر پہلے ہی پابندی تھی اب تازہ ترین حصار اور کھینچ دیا گیا ہے۔ کھلاڑی کسی کے ساتھ سیلفی نہیں بنائیں گے اور نہ ہی مداحوں کے قریب جاسکیں گے. ٹیم 19 مارچ سے پہلا ٹیسٹ کھیلے گی۔
**سپر اوور ختم **
انگلینڈ میں اس سال 100 بالز ایونٹ کا آغازہورہا ہے. دنیائے کرکٹ کے اس نئے فارمیٹ میں متعدد جدید اصول ہونگے ان میں تازہ ترین اضافہ اس بات کا کیا گیا ہے کہ ایونٹ میں میچ ٹائی ہونے پر کوئی سپر اوور نہیں ہوگا. ایک ایک پوائنٹ دیا جائےگا. جبکہ ناک آؤٹ میچز کے ٹائی ہونے پر وکٹیں کم گرنے والی ٹیم کو فاتح قرار دیا جائے گا. ناک آؤ ٹ میچ اگر ڈک ورتھ پر گئے اور ٹائی ہوئے تو اس کے لئے 5 او ور کا سپر اوور ہوگا۔ بارش کی وجہ سے کم سے کم اننگ کا 25 گیندوں پر ہونا ضروری ہوگا.
** آج ون ڈے **
جنوبی افریقا اور بھارت کے درمیان پہلا ایک روزہ میچ آج دوپہر ایک بجے دھرم شالہ میں شروع ہوگا. ٹاس جیتنے والی ٹیم پہلے فیلڈ نگ کو ترجیح دے گی.بارش کی پیش گوئی ہے.
** آئی سی سی اجلاس کو خطرہ**
ICC meeting
کورونا وائرس کے سبب اس ماہ کے آخر میں دبئی میں شیڈول آئی سی سی کی بورڈ میٹنگ کا انعقاد خطرے میں ہے تاہم اجلاس اس حوالے سے اہم ہے کہ اس میں 2023سے 2031 کے ایف ٹی پی شیڈول کے حوالے سے کچھ فیصلے متوقع ہیں بھارت سمیت بگ تھری اسکے مخالف ہیں.
**بنگلہ دیش کا کلین سویپ **
بنگلہ دیش نے زمبابوے کیخلاف 2 ٹی میچز کی سیریز میں کلین سویپ کرلیا. بدھ کو اس نے دوسرے میچ میں 9 وکٹ سے با آسانی حاصل کرلی.
**لارڈز کا فراڈیا **
ہوم آف کرکٹ لارڈز کرکٹ گرائونڈ کی ممبر شپ کارڈ میں فراڈ کرنے والے برطانوی شہری کو ایک لاکھ پائونڈ جرمانے کی سزا ہوئ ہے ساتھ ہی انہیں جیل کی معطل سزا دی گئی. 51 سالہ شخص جیمز لاٹیمیئر نے ایک مردہ شخص کے کارڈ کی تصویر میں فراڈ کرتے ہوئے اپنی تصویر لگادی. ممبرز لارڈز میں میچ دیکھنے کیلئے بہتر سیٹ حاصل کرسکتے ہیں. برطانوی عدالت میں جرم کا اقرار کرنے پر بدھ کو کرائون کورٹ نے فیصلہ سنایا.

فیس بک کمینٹ

متعلقہ تحریریں

Adblock Detected

Please consider supporting us by disabling your ad blocker