پاکستان سپر لیگ سے جانے والے تمام انگلش کرکٹر ز اس وقت انگلینڈ میں گوشہ نشینی اختیار کرچکے ہیں. ابتدائی جائزے کیلئے وہ سب اگلے 2 ہفتے الگ تھلگ رہیں گے
دوسری جانب ایلکس ہیلز نے اپنے بارے میں چلتی ان تمام خبروں کی تردید کی ہے کہ انکا کورونا ٹیسٹ مثبت آیا ہے. انکا کہنا تھا کہ پاکستان سے واپسی پر درست تھا.انگلینڈ میں ایک رات مکمل فٹ حالت میں گزاری. اگلی صبح گلے کی تکلیف تھی لیکن تاحال کورونا جیسی بیماری نہیں لیکن علامات ویسی لگتی ہیں. انگلش کاؤنٹی ووسٹر شائر نے اپنے تمام کرکٹرز کو لاک ڈاؤن کردیا ہے. کورونا وائرس کی وجہ سے کرکٹر ز کی حالت قید کی سی ہے ۔انگلینڈ میں بڑھتے کورونا کیسز کی وجہ سے کاؤنٹی چیفس اور کرکٹ بورڈ حکام کے درمیان اگلے کرکٹ سیزن کے حوالے سے اہم مشاورت ہوئی.14 اپریل سے شروع ہونے والی ملکی سیزن کو جون یا جولائی میں شروع کرنے کی تجویز پر اتفاق پایا گیا. ساتھ ہی ون ڈے کپ کو منسوخ کرنے سمیت کاؤنٹی کرکٹ کے راؤنڈ میچ کافی حد تک کم کرنے کی بھی بات ہوئی. سیزن اکتوبر کے آخر تک لے جانے پر بھی مشاورت ہوئی. اجلاس میں طے پایا کہ صورتحال پر مکمل نظر رکھتے ہوئے حالات کے مطابق فیصلہ ہوگا.اسکے ساتھ ساتھ اگر پورا سیزن بھی ختم کرنا پڑا تو دریغ نہیں کیا جائے گا یہ ایک ڈرامائی موڑ ہوگا.مالی خسارہ اور براڈ کاسٹرز کے ساتھ 1.1بلین ڈالرز کی ڈیل کو دھچکا لگے گا.
**فائنل کے بغیر ہی ٹیم چیمپئن قرار**
کرکٹ آسٹریلیا نے نیو سائوته ویلز کو فائنل کھیلے بغیر ملک کے سب سے بڑے ڈومیسٹک ایونٹ شیفیلڈ شیلڈ کپ کا چیمپئن قرار دیدیا. ایونٹ کے چند میچز کے ساتھ قریب ایک مکمل راؤنڈ منسوخ کرتے ہوئے فائنل کے بغیر ہی ٹیم فاتح قرار پائی ہے. فائنل میچ اس ماہ کے آخر میں شیڈول تھا. کورونا وائرس کی وجہ سے تمام کرکٹ سرگرمیاں ختم کی جاچکی ہیں.
**جوفرا آرچر پر حملہ، کارروائی کا مطالبہ**
انگلینڈ کرکٹ ٹیم کے فاسٹ باؤلر جوفرا آرچر کو ایک مرتبہ پھر تعصبانہ جملوں کا سامنا ہے. اس مرتبہ ان پر حملہ سوشل میڈیا پر موجود انکے اکاؤنٹ پر ایک سخت وناپسندیدہ میسج کی شکل میں ہوا ہے. سیاہ فام ویسٹ انڈین نژاد انگلش پیسر نے اس کا سکرین شاٹ شیئر کرتے ہوئے گہرے دکھ ،غم اور ناپسندیدگی کا اظہار کیا ہے. انگلینڈ کے گزشتہ دور ہ نیوزی لینڈ کے دورا ن بھی انہیں ایک تماشائی کی جانب سے ایسے ہی جملوں کا سامنا کرنا پڑا تھا. کیوی بورڈ نے اسکی گراؤنڈز آمد کو معطل کرکے سخت سزا سنائی تھی.
**انگلش کرکٹ بورڈ کو سری لنکا کی جانب سے قانونی جنگ کا سامنا**
کورونا وائرس سے متاثرانگلینڈ کرکٹ بورڈ کو اچھے حالات اور وقت کا تو ساری دنیا کی طرح ہی انتظار ہے لیکن اسکے اگلے مصروف ترین شیڈول کو دیکھتے ہوئے سوچا جاسکتا ہے کہ سری لنکا کی جانب سے اسکو ممکنہ قانونی کارروائی کا سامنا ہوگا کیونکہ حال ہی میں سری لنکا کا دورہ منسوخ کرنے والے ای سی بی کو اس سیریز کیلئے دوبارہ وقت نکالنا اور کھیلنا ہے. ورلڈ ٹیسٹ چیمپئن شپ کا فائنل اگلے سال جون میں شیڈول ہے. انگلینڈ کو ہوم سیزن کے اختتام پر اگلے موسم سرما میں جنوبی افریقا اور بھارت میں طویل کرکٹ کھیلنی ہے. بورڈ کے پاس 2 ٹیسٹ میچز کی ونڈو خالی نہیں لیکن اگر وہ اسے ممکن نہ بناسکا تو ٹیسٹ چیمپئن شپ کی سیریز کے پوائنٹس پر لڑائی ہوگی جو قانونی جنگ کی شکل اختیار کرسکتی ہے.
فیس بک کمینٹ