عمران عثمانیکھیللکھاری

100بالز ایونٹ ، کرکٹ کا نیا فارمیٹ ، کاؤ نٹی کرکٹ کے 7 راؤ نڈز منسوخ،آئی سی سی ریفری بھی قرنطینہ میں :عمران عثمانی کا ون ڈے راؤنڈ اپ

آسٹریلوی کھلاڑی ڈیوڈ وارنر پہلے ایسے غیر ملکی کھلاڑی بن گئے ہیں جنہوں نے انگلینڈ میں شیڈول پہلی 100 بالز لیگ سے اپنا نام واپس لے لیا ہے.
33سالہ جارح مزاج اوپنر کو سائوتھمپٹن کی سدرن بریو ٹیم نے 1لاکھ 25 ہزار پائونڈز میں سائن کیا تھا. یہ رقم سب سے مہنگے ترین کھلاڑیوں کیلئے تھی
ڈیوڈ وارنر کے مطابق کورونا وائرس افسوسناک فیصلہ کا بنیادی سبب ہے. ایونٹ جولائی و اگست میں شیڈول ہے جس میں خاصا وقت باقی تھا لیکن وارنر کہتے ہیں کہ وہ اگست میں شیڈول آسٹریلیا زمبابوے سیریز میں کھیلنا زیادہ پسند کریں گے.
100 بالز لیگ کرکٹ فارمیٹ میں نیا اضافہ ہے جس کا آغاز اس سال ہونا ہے. انگلینڈ اینڈ ویلز کرکٹ بورڈ اپنے تمام ایونٹس اور بالخصوص 100 بالز کے بچائو کیلئے ابھی سے ممکنہ پلان ترتیب دے رہا ہے. ایسے میں وارنر جیسے مہنگے ترین کرکٹر کا لیگ سے دستبردار ہونا اسکے لئے بڑا دھچکا ہے کیونکہ وارنر کے ہم وطن سمته،فنچ،مچل سٹار ک اور میکسویل ودیگر کے ساتھ تمام دوسرے ممالک کے کرکٹرز بھی کنی کتراسکتے ہیں.
** کاؤ نٹی کرکٹ کے 7 راؤ نڈز منسوخ**
انگلینڈ کرکٹ بورڈ نے بڑا فیصلہ کرتے ہوئے اپنے کرکٹ سیزن کو مئی کے آخر تک ملتوی کرنے کا فیصلہ کر لیا ہے. 14 اپریل سے شیڈول کاؤ نٹی کرکٹ کورونا وائرس کے باعث اب اس سے اگلے ماہ کے آخر میں شروع کرنے پر اتفاق ہوگیا ہے جس کے بعد کاؤ نٹی کرکٹ کے 7 راؤ نڈز ختم کردیئے جائیں گے.مختصر فارمیٹ کے ایونٹس کے انعقاد کا بھی از سر نو جائزہ لیا جائے گا.
**بھارتی حکومت کا آئی پی ایل منسوخ کرنے کا حکم**
بھارتی حکومت نے ملکی کرکٹ بورڈ پر واضح کردیا ہے کہ و ہ 14 اپریل سے آئی پی ایل کے انعقاد کے خواب دیکھنا بند کردے. ملک میں دن بدن بڑھتے کورونا کیسز کی رفتار دیکھتے ہوئے حکومت نے بورڈ سربراہ سارو گنگولی پر واضح کیا کہ ایونٹ کا اس سال انعقاد ممکن نہیں ہے.
**کرکٹرز معاوضوں کی کٹوتی پر تیار**
انگلینڈ میں کرکٹرز کورونا وائرس کو شکست دینے کیلئے عملی طور پر میدان میں آگئے. مصروف کرکٹ سیزن پر شکوک کے سائے گہرے ہونے کے باعث جہاں مختلف آپشنز زیر غور ہیں، وہاں کرکٹرز کی نمائندہ تنظیم پلیئرز کرکٹرز ایسوسی ایشن نے کہا ہے کہ ہنگامی حالات کے پیش نظر ایونٹس ختم یا مختصر ہوسکتے ہیں اور مالی خسارے پر قابو پانے کیلئے کرکٹرز اپنے معاوضوں میں بھاری کٹوتی پر راضی ہوگئے ہیں .پی سی اے کے چیئرمین ڈیرل مچل کہتے ہیں کہ کرکٹ سوسائٹی کا ہر کردار مشکل کی گھڑی میں اپنا فرض ادا کرنے کو تیار ہے.
دوسری جانب اب یہ بات قریب واضح ہوتی جارہی ہے کہ انگلینڈ ویسٹ انڈیز ٹیسٹ سیریز جون میں ممکن نہیں ہوگی. اب یہ سیریزستمبر یا سال کے آخر دسمبر تک ملتوی ہوجائے گی. ای سی بی نے عندیہ دیا ہے کہ اگر کاؤ نٹی کرکٹ کو مختصر کیا گیا تو بورڈ ٹی 20 بلاسٹ اور کرکٹ کے نئے فارمیٹ 100بالز ایونٹ کے پہلے ایڈیشن کے انعقاد کو یقینی بنائے گا.اس سے واضح ہوا کہ بورڈ ان 2 ایونٹس کیلئے آخری وقت اور آخری حد تک کوشش کرےگا.
**پی ایس ایل میچ ریفری قرنطینہ میں**
پاکستان سپر لیگ میں میچ ریفری کے فرائض سر انجام دینے والے سابق سری لنکن کرکٹر روشن مہانامہ کولمبو واپسی پر قرنطینہ چلے گئے. 1996 ورلڈ کپ ونر ٹیم کے رکن 53 سالہ آئی سی سی ریفری نے واضح کیا کہ وہ لاہور سے کولمبو آنے کے بعد مکمل صحت یاب ہیں لیکن احتیاطی تدابیر کے تحت چند روز مکمل گوشہ نشینی اختیار کریں گے.

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker