اسٹیون اسمتھ ایک مرتبہ پھر آسٹریلیا کرکٹ ٹیم کے کپتان بننے کے اہل ہوگئےہیں . 2 برس قبل بال ٹیمپرنگ اسکینڈل میں معطلی کی سزا پانے والے سابق کپتان پر کمان سنبھالنے کی آخری رکاوٹ بھی دور ہوگئی. اتوار کی صبح ان کی اس عہدے پر عائد 2 سالہ پابندی کی سزا مکمل ہوگئی ہے.
مارچ 2018 میں جنوبی افریقا کے دورے میں بال ٹیمپرنگ کرتے ہوئے رنگے ہاتھوں پکڑے جانے والے کپتان اسٹیون اسمتھ،نائب کپتان ڈیوڈ وانر ایک ایک سال اور کیمرون بین کرافٹ 9 ماہ کیلئے معطل کئے گئے تھے ان کی واپسی سزا مکمل ہونے کے بعد 2019 میں ہوگئی تھی لیکن وارنر پر کسی بھی عہدے کیلئے تاحیات جبکہ اسمتھ پر 2 سال کی پابندی تھی،چنانچہ اسٹیون اسمتھ اب اپنی ٹیم کی کمان سنبھالنے کے اہل ہوگئے ہیں،ایرون فنچ ان کی جگہ قیادت کر رہے ہیں لیکن 35 سالہ فنچ کسی بھی وقت نہ صرف عہدہ چھوڑ سکتے ہیں بلکہ اگلے سیزن میں ریٹائر منٹ بھی لے سکتے ہیں.
کورونا وائرس کی وجہ سے گھر میں قید اسٹیون اسمتھ بھی یہ بات بخوبی جانتے ہیں. یہی وجہ ہے کہ انہوں نے 29مارچ 2020کو بتایا کہ فٹنس و ذہنی سکون کیلئے بھرپور پریکٹس کر رہا ہوں اور روزانہ 10 کلومیٹر رنز بناتا ہوں. ان کا اشارہ واک کی طرف تھا.
آسٹریلیا کی اگلی 3 سیریز بنگلہ دیش،انگلینڈ اور جنوبی افریقا سے ہیں یہ کورونا کی وجہ سے مشکوک ہیں. اکتوبر میں ورلڈ ٹی 20 اور اس کے بعد بھارت کیخلاف 4 ٹیسٹ میچز کی ہوم سیریز ابھی وقت کے زیادہ ہونے پر کھیلے جانے کی امید ہے.
فیس بک کمینٹ