عمران عثمانیکھیللکھاری

کرکٹ چیف کورونا کے باعث چل بسے،انگلش کپتان معاوضے کی کٹوتی پر برہم :عمران عثمانی کا ون ڈے راؤنڈ اپ

انگلینڈ کی معروف کائونٹی لنکا شائر کے چیئرمین کورونا وائرس کا شکار ہوکر چل بسے . گزشتہ 2 عشروں سے اولڈ ٹریفورڈ آفس میں مختلف سیٹ پر کام کرنے والے 71 سالہ ڈیوڈ ہاگ کس صحت کے مسائل سے دوچار تھے لیکن حالیہ وبا سے وہ چل بسے.
ہاگ کس فعال رکن تھے .گزشتہ سال انکی کاوشوں سے ہی ورلڈ کپ میں پاک بھارت بڑا معرکہ اولڈ ٹریفورڈ میں ممکن ہوا تھا .
**100 کرکٹ ٹورنامنٹ ٹکٹوں کی فروخت ملتوی**
اس سال انگلینڈ میں شیڈول 100 بالز کرکٹ ٹورنامنٹ کیلئے جنرل ٹکٹ کی فروخت جو کہ 8 اپریل سے شروع ہونی تھی ،اسے ملتوی کردیا گیا ہے. ابتدائی طور پر آن لائن فروخت فروری میں شروع کی گئی تھی .اس کا بہت بہتر جواب ملا تھا .ای سی بی کے مطابق چونکہ ایونٹ کا انعقاد غیریقینی کا شکار ہے اسلئے فی الحال اسکی فروخت روکی جارہی ہے. جولائی میں شیڈول تاریخ کے پہلے 100 بالز ایونٹ کی اگلے سال تک منسوخی کا امکان زیادہ ہے.
**انگلش ٹیسٹ کپتان معاوضے کی کٹوتی کے مخالف **
بات جب جیب ہلکی ہونے کی ہوتی ہے تو اچھے اچھے حوصلہ چھوڑ دیتے ہیں. انگلینڈ میں سنٹرل کنٹریکٹ یافتہ پلیئرز کے معاوضے میں کٹوتی کی خبریں جیسے ہی عام ہوئیں تو ٹیسٹ ٹیم کے کپتان نے کھل کر مخالفت کردی .صاف الفاظ میں انہوں نے بورڈ کو انکار کردیا.
جوئے روٹ کہتے ہیں کہ کورونا پر حتمی بات کرنا مشکل ہے. اسلئے پہلے سے ہی ستمبر تک کی تنخواہ کم کرنے کی سوچ اچھی نہیں. حالات بہتر ہوسکتے. بند گرائونڈز میں کھیلنے کی ایک تجویز بھی توہے. اگر 6 ما ہ کرکٹ نہیں بھی ہوتی تو اگلے عرصے میں تمام سیریز ری شیڈول کی جاسکتی ہیں. آج چند ماہ بعد کی صورتحال فرض کرکے فیصلے کرنا دانش مندی نہیں ہے. گویا انگلش کپتان 6 ما ہ کا ملکی سیزن ختم ہونے پر بھی تنخواہ کی کٹوتی کے حامی نہیں.اس میں انہوں نے پلیئرز کرکٹ ایسوسی ایشن کا بھی ذکر کرتے کہا کہ یہ بورڈ اور کرکٹرز نہیں بلکہ کھلاڑیوں کی محافظ تنظیم پی سی اے اور ای سی بی کا مسئلہ ہے.
**ہوم آف کرکٹ ہوم آف لائف میں تبدیل**
کورونا وائرس سے بچائو کیلئے کرکٹ کی جنم بھومی لارڈز کرکٹ گرائونڈ بھی استعمال کیلئے مختص کردیا گیا. انگلینڈ میں اسکے ساتھ ویمبلے بھی این ایچ ایس کی زیر ملکیت رہے گا. دونوں مقامات کے اسٹاف بھی معاونت کریں گے.
**ومبلڈن ٹینس کی منسوخی کا اعلان جلد متوقع**
سال کا مقبول ترین اور قدیم گرینڈ سلام ٹینس کپ ومبلڈن کی بھی منسوخی کا بھی فیصلہ ہوگیا ہے. 29 جون سے شیڈول انگلینڈ میں ومبلڈن ٹینس کپ کے انعقاد کا کوئی امکان نہیں. عالمی ٹینس فیڈریشن کے مطابق ایونٹ خالی کورٹس میں ممکن نہیں ہوسکتا. اعلان اگلے چند گھنٹوں میں متوقع ہے.
**آئی پی ایل کیلئے نئی مگر ناقابل عمل حکمت عملی**
آئی پی ایل کے 15 اپریل سے انعقاد کی امیدیں بھارتی بورڈ کی اب جاکر دم توڑنے لگی ہیں. بورڈ آفیشل نے دعوی کیا ہے کہ بورڈ اسکے لئے اگست اور ستمبر میں ونڈو تلاش کر رہا ہے. یہ اپنی جگہ ایک اور مذاق ہے. کیونکہ کورونا پر قابو پانے کی صورت میں ستمبر میں ایشیا کپ ہونا ہے. اگست میں انگلش و آسٹریلوی کرکٹرز کی مصروفیت زیادہ ہونگی .

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker