کورونا وائرس متاثرین کیلئے انگلش کرکٹر جوس بٹلر نے جذبہ خدمت کی بڑی مثال پیش کرکے اپنے ساتھی کرکٹرز اور دنیا بھر کے کھلاڑیوں کیلئے قابل تقلید راہ متعین کردی.
وکٹ کیپر بیٹسمین نے اپنی زندگی کی یاد گار اور بیش قیمت شرٹ نیلامی کیلئے لگادی. آمدنی لندن کے 2 ہسپتالوں کو دی جائے گی.
انگلینڈ نے گزشتہ سال تاریخ کا پہلا ورلڈ کپ جیتا تھا .اس کے فائنل میں نیوزی لینڈ کیخلاف کامیابی پر آخری مہر جوس بٹلر نے اس وقت ثبت کی تھی جب سپر اوور کی آخری گیند پر انہوں نے مارٹن گپٹل کو رن آئوٹ کردیا تھا.
ورلڈ کپ ونر ٹیم کا رکن ہونا بڑا اعزاز،پھر اس میں نمایاں کردار ادا کرنا بڑا خاص ہوتا ہے چنانچہ اس میں استعمال ہونے والی ہر چیز کرکٹر کی زندگی اور اس کی نسلوں کیلئے قابل فخر اثاثہ ہوتا ہے لیکن جوس بٹلر نے انسانی ہمدردی میں بڑی قربانی دیتے ہوئے اسے E-bayپر بولی کیلئے لگادیا ہے. آدھے گھنٹے کے اندر اس کی قیمت 10ہزار پائونڈز لگ گئی تھی. بولی کا عمل 7 دن جاری رہے گا.
فیس بک کمینٹ