اختصارئےلکھاریلیاقت علی ایڈووکیٹ

لیاقت علی ایڈووکیٹ کا اختصاریہ : جسٹس قاسم خان سے بصد احترام ایک سوال

لاہورہائی کورٹ کےریٹائر ہونے والے چیف جسٹس قاسم خان نے ہائی کورٹ بلڈنگ پر کلمہ طیبہ کندہ کرواکر عدل وانصاف کے خواہش مند پنجابی عوام کے دل جیت لیے۔ سابق چیف جسٹس سے بصد ادب و احترام پوچھا جاسکتا ہے کہ جناب کلمہ طیبہ پاکستان کی 97 فی صد مسلمان آبادی کے دلوں میں محفوظ اور زبان پررواں رہتا ہے لیکن اس کے باوجود پاکستانی سماج میں برداشت،رواداری،انسانی حرمت اورانسانوں کااحترام جیسی خصوصیات مفقود ہیں۔کیا کسی عمارت پرقرآن کی آیات اور کلمہ طیبہ لکھنے سے عوام کوعدل وانصاف تک رسائی آسان ہوجائے گی؟
ماضی کے تجربات اس بات کی تائید نہیں کرتے۔ ضرورت اس امر کی تھی کہ آپ بطورچیف جسٹس ایسی فیصلے اور قانونی نظائر بطور ورثہ چھوڑ جاتے جن سے پنجاب کے عوام کو انصاف اورقانون کی حکمرانی کا حصول آسان ہوتا۔ کیا آپ نے کوئی ایسا اہتمام بطور چیف جسٹس کیا تھا کہ عدلیہ میں رشوت اور سفارش کا خاتمہ ہویا کم ازکم خاتمہ نہیں تو اس میں کمی ضرور واقع ہو۔زمینی حقائق بتاتے ہیں کہ ایسا کوئی کریڈیٹ آپ کے پاس نہیں ہے۔
اللہ تعالی کی خوشنودی ہرمسلمان کے ایمان کا تقاضا ہے لیکن اس کے ساتھ ساتھ مخلوق خدا کی بہتری اور بھلائی بھی ہر مسلمان کے فرائض میں شامل ہے۔ جج صاحب بطور اعلی عدلیہ کے سربراہ آپ مخلوق خدا کی بہتری اور بھلائی کرنے میں ناکام رہے ہیں

فیس بک کمینٹ
Tags

متعلقہ تحریریں

Adblock Detected

Please consider supporting us by disabling your ad blocker