ممکن ہے بعض لوگوں کو ملتان کے تاریخی پس منظرکے حوالے سے یہ جان کر حیرت ہوکہ ملتان دنیا کے قدیم ترین زندہ شہروں میں سے ایک ہے جس کی ایک اپنی تہذیب ہے۔
ملتان کو ہمیشہ مدینة الاولیاءکے نام سے جانا جاتا ہے اوراس کی وجہ ان اولیاءکرام کے مزارات ہیں جو اس شہر کی مقدس مٹی میں آسودہ خاک ہیں۔ اس دھرتی پر قدم رکھنے والے پہلے صوفی حضرت یوسف شاہ گردیز تھے اورانہیں اسلام کے ابتدائی مبلغین میں شمار کیاجاتا ہے۔وہ برصغیر میں اسلام کی تبلیغ کے لیے 1060ءمیں یہاں آئے۔ حضرت بہاءالدین زکریا اور حضرت شاہ شمس سبزواری نے 200برس بعد ان کی پیروی کی۔
جبکہ حضرت موسی پاک شہید نے پندرہویں صدی میں یعنی حضرت یوسف شاہ گردیز کی آمد کی نصف صدی کے بعد اس شہر میں اسلام کی تبلیغ کی۔میری آج کی اس تحریر کامقصد صرف یہ ہے کہ اس تاریخی شہر اور اولیاءکی دھرتی کے لیے ”میرا ملتان“ کے نام سے ایک باقاعدہ لوگو بنایا جائے جو ملتان اور ملتان سے محبت کرنے والے اپنے شہر کی علامت کے طورپر استعمال کریں۔
فیس بک کمینٹ